New parliament building inauguration : नवीन संसद भवनाचे उद्घाटन रविवारी होत आहे. त्यापूर्वी पंतप्रधान नरेंद्र मोदी यांनी या संसद भवनाची भव्यता दाखवणारा व्हिडिओ शेअर केला आहे. हा व्हिडिओ अनेकांनी रिट्विट केलाय.
Follow us on
नवी दिल्ली : नव्या संसद भवनाचं उद्घाटन रविवारी होणार आहे. पंतप्रधान नरेंद्र मोदी यांच्या हस्ते या संसद भवनाचं उद्घाटन होणार आहे. केंद्र सरकारच्या या निर्णयास काँग्रेस नेते राहुल गांधी यांनी सर्वात आधी विरोध केला. त्यांनी ट्विट करत हा विरोध केला. नव्या संसद भवनाचं उद्घाटन राष्ट्रपतींच्या हस्ते झाले पाहिजे, असे ट्विट त्यांनी केले. त्यानंतर नव्या वादाला तोंड फुटले. मग राहुल गांधी यांच्यासोबत देशातील १९ पक्ष आले. परंतु सरकारच्या समर्थनार्थ २५ पक्ष आले आहेत. या सर्व गदारोळात पंतप्रधान नरेंद्र मोदी यांनी नवीन संसद भवनाचा व्हिडिओ शेअर केला आहे.
The new Parliament building will make every Indian proud. This video offers a glimpse of this iconic building. I have a special request- share this video with your own voice-over, which conveys your thoughts. I will re-Tweet some of them. Don’t forget to use #MyParliamentMyPride. pic.twitter.com/yEt4F38e8E
पंतप्रधान मोदी यांनी त्यांच्या ट्विटर हँडलवरून एक व्हिडिओ शेअर केला. त्यात त्यांनी म्हटले आहे की, ‘नवीन संसद भवन प्रत्येक भारतीयाला अभिमान वाटेल, असे आहे. हा व्हिडिओ या प्रतिष्ठित इमारतीची झलक दाखवत आहे. माझी एक खास विनंती आहे की, हा व्हिडिओ तुमच्या स्वतःच्या आवाजाने (व्हॉईसओव्हर) शेअर करा, ज्यामुळे तुमचे विचार व्यक्त होतील. मी त्यापैकी काही रिट्विट करेन. “माय पार्लमेंट माय प्राईड हा हॅशटॅग वापरायला विसरू नका,”.
अनेकांनी केला रिट्विट
पंतप्रधान नरेंद्र मोदी यांनी ट्विट केलेला व्हिडिओ अनेकांनी रिट्विट केला आहे. अनेकांनी आपल्या प्रतिक्रिया व्यक्त केल्या आहेत. हजारो जणांनी हा व्हिडिओ पाहिला आहे. यामुळे संसद भवनाच्या उद्घाटन कार्यक्रमावर बहिष्कार टाकणाऱ्या विरोधकांची पंचाईत झाली आहे.
रविवारी होणार कार्यक्रम
पंतप्रधान नरेंद्र मोदी 28 मे रोजी नव्या संसद भवनाचे उद्घाटन करणार आहेत. या समारंभास राष्ट्रपती द्रौपदी मुर्मू यांना बोलवले नाही. यामुळे काँग्रेस, शिवसेना ठाकरे गट, तृणमूल काँग्रेस, आम आदमी पार्टीसह 19 पक्षांनी कार्यक्रमावर बहिष्कार टाकण्याचा निर्णय घेतला आहे. त्यांनी यासंदर्भात संयुक्त निवेदनही काढले आहे. परंतु आता सरकारच्या समर्थनार्थ 25 पक्ष आले आहेत.
