केंद्र सरकारचे मुख्य आर्थिक सल्लागार केव्ही सुब्रमण्यम यांचा राजीनामा
आयआयटी कानपूर आणि आयआयएम कोलकाताचे माजी विद्यार्थी सुब्रमण्यम डिसेंबर 2018 मध्ये सीईए म्हणून नियुक्तीपूर्वी इंडियन स्कूल ऑफ बिझनेसमध्ये प्राध्यापक होते.
नवी दिल्ली : देशाचे मुख्य आर्थिक सल्लागार के व्ही सुब्रमण्यम यांनी शुक्रवारी आपल्या पदाचा राजीनामा दिला. केवी सुब्रमण्यम यांनी ट्विट केले की, माझा 3 वर्षांचा कार्यकाळ पूर्ण झाल्यावर मी शिक्षण विश्वात परत येण्याचा निर्णय घेतला आहे. तसेच ते म्हणाले की राष्ट्राची सेवा करणे हा एक विशेषाधिकार आहे आणि मला अद्भुत समर्थन आणि प्रोत्साहन मिळाले आहे. केवी सुब्रमण्यम यांनी ट्विटरवर त्यांचे संपूर्ण विधान पोस्ट केले आहे आणि पीएमओ इंडिया, पंतप्रधान नरेंद्र मोदी, अर्थमंत्री निर्मला सीतारमण आणि पीआयबी इंडियालाही टॅग केले आहे. (KV Subramaniam, Chief Economic Adviser to the Central Government, resigns)
केव्ही सुब्रमण्यम आपल्या निवेदनात म्हणाले की, दररोज जेव्हा मी नॉर्थ ब्लॉकला जात असे तेव्हा मी स्वतःला या विशेषाधिकाराची आठवण करून देत असे. विशेषाधिकारासह येणाऱ्या जबाबदारीला न्याय देण्याचा त्याने सर्वतोपरी प्रयत्न केल्याचेही सांगितले. केव्ही सुब्रमण्यम यांच्या राजीनाम्यानंतर केंद्र सरकारने त्यांच्या उत्तराधिकाऱ्याचे नाव अद्याप जाहीर केलेले नाही.
केव्ही सुब्रमण्यम यांनी 7 डिसेंबर 2018 रोजी मुख्य आर्थिक सल्लागार पदाची सूत्रे स्वीकारली
आयआयटी कानपूर आणि आयआयएम कोलकाताचे माजी विद्यार्थी सुब्रमण्यम डिसेंबर 2018 मध्ये सीईए म्हणून नियुक्तीपूर्वी इंडियन स्कूल ऑफ बिझनेसमध्ये प्राध्यापक होते. त्यांचे पूर्ववर्ती अरविंद सुब्रमण्यम यांनी “वैयक्तिक कारणे” दाखवून राजीनामा दिल्यानंतर काही महिन्यांसाठी सीईएचे पद रिक्त होते. केवी सुब्रमण्यम यांनी त्यांचे पूर्ववर्ती अरविंद सुब्रमण्यम यांनी पद सोडल्याच्या सुमारे पाच महिन्यांनी 7 डिसेंबर 2018 रोजी मुख्य आर्थिक सल्लागार म्हणून पदभार स्वीकारला.
पंतप्रधानांसोबतच्या त्याच्या अनुभवांबद्दल, सीईएने सांगितले की माझ्या व्यावसायिक आयुष्याच्या जवळजवळ तीन दशकांमध्ये मला अद्याप माननीय पंतप्रधान नरेंद्र मोदी यांच्यापेक्षा अधिक प्रेरणादायी नेता सापडला नाही. आर्थिक धोरणाची त्यांची जन्मजात समज सामान्य नागरिकांचे जीवनमान उंचावण्यासाठी त्याचा वापर करण्याच्या अतूट निर्धाराशी जोडली जाते. (KV Subramaniam, Chief Economic Adviser to the Central Government, resigns)
एअर इंडिया पुन्हा एकदा टाटा समूहाच्या ‘हाती’; आता रतन टाटा म्हणतात…#Airindia #AirIndiaAirline #AirIndia #ratantata #jrdtata https://t.co/fTisDTWYZG
— TV9 Marathi (@TV9Marathi) October 8, 2021
इतर बातम्या