राजकीय नेत्यांची संपत्ती चर्चेचा विषय असतो. लोकसभा निवडणुकीनंतर देशातील सर्वात दहा श्रीमंत खासदारांची यादी आली आहे. या यादीत महाराष्ट्रातील खासदार आहे. सर्वाधिक संपत्ती भारतीय जनता पक्षाचे आंध्र प्रदेशातील खासदार डॉक्टर चंद्रशेखर पेमासानी यांच्याकडे आहे. त्यांच्याकडे 5 हजार 700 कोटींची संपत्ती आहे. तसेच आंध्र प्रदेशचे मुख्यमंत्री चंद्रबाबू नायडू यांच्या संपत्तीची माहिती माध्यमांमध्ये आली आहे. त्यांच्याकडे 35 कोटींचे घर असून 931 कोटींची संपत्ती आहे.
देशातल्या सर्वात 10 श्रीमंत खासदारांमध्ये महाराष्ट्रातील काँग्रेसचे खासदार श्रीमंत शाहू छत्रपती यांचा समावेश आहे. त्यांच्याकडे 342 कोटी रुपयांची संपत्ती आहे. बॉलीवूड अभिनेत्री हेमा मालिनी यांचाही श्रीमंत खासदाराच्या यादीत समावेश आहे. त्यांच्याकडे भाजप 278 कोटी रुपयांची संपत्ती आहे.
आंध्र प्रदेशाच्या मुख्यमंत्रीपदी चौथ्यांदा चंद्रबाबू नायडू यांनी बुधवारी शपथ घेतली. निवडणूक आयोगाकडे त्यांनी दिलेल्या शपथपत्रानुसार, त्यांच्याकडे 931 कोटींची संपत्ती आहे. ते 35 कोटींच्या घरात राहतात. त्यांच्यावर 10.38 कोटी रुपये कर्ज आहे. चंद्रबाबू नायडू यांच्या पत्नी नारा भुवनेश्वरी यांची संपत्ती मागील पाच वर्षांत वाढली आहे. त्यांच्या संपत्तीत 39 टक्के वाढ झाली आहे. चंद्रबाबू नायडू यांच्या संपत्तीचा एक मोठा भाग त्यांची पत्नी भुवनेश्वरी यांनी घेतलेल्या शेअरचा आहे. त्या हेरिटेज फूड्स कंपनीच्या सर्वात मोठ्या शेअर होल्डर आहे. त्यांच्याकडे या कंपनीचे 2,26,11,525 कोटी शेअर आहेत. त्याची किंमत 763 कोटी रुपये आहे. तसेच इतर कंपन्यांचे शेअर त्यांच्याकडे आहे.