NEP: आंतराष्ट्रीय पातळीवर संशोधनात अग्रेसर राहण्यासाठी युवकांना जगाच्या एक पाऊल पुढं राहावं लागेल: नरेंद्र मोदी

8 राज्यातील 14 अभियांत्रिकी महाविद्यालय मातृभाषेत अभ्यासक्रम सुरु होत आहेत. 11 प्रादेशिक भाषांमध्ये अभियांत्रिकीचं शिक्षण सुरु होत आहे. याचा देशातील गरीब विद्यार्थ्यांना, मध्यम वर्गातील आणि दलित, आदिवासी वर्गातील विद्यार्थ्यांना फायदा होईल. या वर्गातील विद्यार्थ्यांना भाषेच्या अडचणीला सामोरं जावं लागत होतं. या विद्यार्थ्यांच्या सामर्थ्य आणि कौशल्यासोबत फायदा होईल.

भारताच्या उच्च शिक्षण संस्था आंतरराष्ट्रीय पातळीवर संशोधन क्षेत्रात पुढे जाव्यात त्यासाठी नव्या मार्गदर्शक सूचना जारी करण्यात आल्या आहेत. आरोग्य, संरक्षण, तंत्रज्ञान आदी क्षेत्रात युवकांनी एक पाऊल पुढं असलं पाहिजे. भारतानं आता आत्मनिर्भर व्हायला हवं. गेल्या वर्षभरात 1200 संस्थामध्ये कौशल्य विकासासाठी नव्या  अभ्यासक्रमांना मंजुरी देण्यात आली आहे.

विद्यार्थ्यांना देश त्यांच्यासोबत असल्याचा विश्वास

पत्येक क्षेत्रात भारतीय युवक पुढाकार घेत आहेत. युवक डिजीटल इंडियाला गती देत आहेत. या युवा पिढीला त्यांच्या स्वप्नानुसार वातावरण मिळेल त्यावेळी त्यांची शक्ती किती वाढेल याचा विचार करा, नविन राष्ट्रीय शिक्षण धोरण युवकांना विश्वास देते की देश त्यांच्यासोबत आहे. आर्टिफिशयल इंटेलिजन्स भारतीय युवकांना डिजीटल बनवेल. नॅशनल डिजीटल टेक्नॉलॉजी फोरम या दिशेनं डिजीटल आणि टेक्निकल फोरम तयार करण्यासाठी नवं धोरण काम करेल. देशाची नवीन शिक्षण व्यवस्था विद्यार्थ्यांना सक्षम बनवेल, नव्या राष्ट्रीय शिक्षण धोरणाला कोणत्याही दबावापासून मुक्त ठेवेल. धोरणातील मुक्तता, विद्यार्थी किती शिकतील हे विद्यापीठ आणि परीक्षा मंडळं ठरवणार नाहीत. नव्या बहुविध शिक्षण पद्धतीमुळे विद्यार्थ्यांना फायदा होत आहे. नव्या धोरणामुळे शिक्षण क्षेत्रात क्रांतिकारी बदल घडणार आहेत.

स्वातंत्र्याचा अमृतमहोत्सव साजरा करत असताना नवीन राष्ट्रीय शैक्षणिक धोरण हा त्याचा महत्वाचा भाग

नव्या शैक्षणिक धोरणाच्या वर्षपूर्तीनिमित्त विद्यार्थी, शिक्षक आणि पालकांचं अभिनंदन