‘रामाला नाही, रावणाला दाढी होती, तुझ्या दाढीला आग लावणार’, ठाकरे गटाचा मुख्यमंत्री शिंदेंवर पलटवार

CM Eknath Shinde

नवी दिल्ली : “मुस्लिम नेते, कार्यकर्ते आम्हाला येऊन सांगत आहेत, आम्ही तुमच्यासोबत आहोत. आमच हिंदुत्व हे घरात चूल पेटवणार हिंदुत्व आहे, भाजपाच हिंदूत्व हे घर जाळणार हिंदूत्व आहे. देशात जाती-धर्माच्या आधारावर नाही, तर रामासोबत कामही मिळाल पाहिजे. रोजगाराची चूल पेटली पाहिजे. आम्ही या देशाचा पाकिस्तान-इराण होऊ देणार नाही” असं खासदार संजय राऊत म्हणाले. “देशात भाजपाशिवाय दुसरा कुठला पक्ष राहू नये, या दिशेने निवडणूक आयोग काम करतोय” असं संजय राऊत म्हणाले.

‘दाढीने काडी केली, तर तुमची लंका जळून जाईल’ असं काल मुख्यमंत्री एकनाथ शिंदे म्हणाले. त्यावर संजय राऊत म्हणाले की, “लंका त्यांचीच आहे, आम्ही हुनमान आहोत. लंका रावणाची जळते. दाढी रावणाला होती, रामाला नाही. हे समजून घेण्यासाठी एकनाथ शिंदे यांना रामायण, महाभारात वाचाव लागेल” यशवंतराव चव्हाणांपासून महाराष्ट्राला सुस्कृंत मुख्यमंत्री मिळाले आहेत. साहित्य, कला, काव्य यामध्ये ते रमायचे असं संजय राऊत म्हणाले.

‘तुझी दाढी दिल्लीच्या हातात’

“कोणाच काय जळतय हे लवकरच कळेल. मुळात दिल्लीची लंका जळतेय. तम्ही जिथे गेलाय, त्यांचीच लंका जळणार. विचार चोरुन मिळत नसतात. सध्या चोरटे, भामटे यांच राज्य आहे. डायलॉगबाजी सांगू नका. आम्ही बाळासाहेबांच्या तालिमीत तयार झालो आहोत. त्यामुळे आम्हाला डायलॉग येतात” असं संजय राऊत म्हणाले. “तुझी दाढी दिल्लीच्या हातात आहे. दिल्लीला वाटेल, तेव्हा दाढी खेचून तुला बोलवतात. रावणाची लंका होती. महाराष्ट्रात पंचवटीला रामाच वास्तव्य होतं. तुझ्या दाढीला आग लावणार” असं संजय राऊत म्हणाले.

लवकरच असे काही फोटो माझ्याकडून येणार की….

“आज मी मुद्दामून त्यांचा गुंडांबरोबरचा फोटो टाकला नाही. त्यांना गॅप दिलेली आहे, विश्रांती दिली आहे. जरा घाबरले आहेत, अस्वस्थ आहेत. त्यांना झोप येत नाही. कारण लवकरच असे काही फोटो माझ्याकडून येणार आहेत की अमित शाह यांना देखील विचार करावा लागेल मी काय माणूस नेमला आहे” असं संजय राऊत म्हणाले.