खडसे विरुद्ध पाटील कलह विकोपाला गेला, त्याची सुरुवात कुठून झाली? त्याची गोष्ट
रोहिणी खडसेंवरील हल्ल्याची दखल घेत राज्य महिला आरोगाच्या अध्यक्षा रुपाली चाकणकर यांनी पोलिसांना तातडीनं तपास करण्याचे आदेश दिलेत.
जळगावमधील राष्ट्रवादी विरुद्ध शिवसेना संघर्ष पेटलाय. एकनाथ खडसेंच्या कन्या रोहिणी खडसेंवर प्राणघातक हल्ला झाल्यानंतर जळगावात खडसे विरुद्ध पाटील कलह विकोपाला गेलाय. रोहिणी खडसेंवरील हल्ल्यामागे शिवसेना आमदार चंद्रकांत पाटील यांचा हात असल्याचा आरोप करून एकनाथ खडसेंनी खळबळ उडवून दिलीय.
हल्ल्यामागे कोण?
राष्ट्रवादीचे जेष्ठ नेते एकनाथ खडसे यांच्या कन्या रोहिणी खडसे यांच्यावरील प्राणघाताक हल्ल्यानंतर जळगावातील राजकीय वातावरण चांगलच तापलंय. सोमवारी रात्री रोहिणी खडसे जळगावातील चांगदेवमधून एका हळदी समारंभ कार्यक्रमानंतर मुक्ताईनगरकडे येत असताना हा हल्ला झाला. त्यानंतर रोहिणी खडसेंनी शिवसैनिकांवर हल्ल्याचा आरोप करत काही स्थानिक पदाधिकाऱ्यांची नावं उघड केली. तर एकनाथ खडसेंनी या हल्ल्यामागे थेट शिवसेना आमदार चंद्रकांत पाटील यांचाच हात असल्याचा गंभीर आरोप केलाय.
रोहिणी खडसेंवरील हल्ल्याची दखल घेत राज्य महिला आरोगाच्या अध्यक्षा रुपाली चाकणकर यांनी पोलिसांना तातडीनं तपास करण्याचे आदेश दिलेत. तर भाजप खासदार आणि एकनाथ खडसेची सून रक्षा खडसेंनी देखील रोहिणी खडसेंची भेट घेत आरोपींवर कडक कारवाईची मागणी केलीय.
गुन्हा दाखल चौकशी सुरु
रक्षा खडसे यांनी राजकीय फायद्यसाठी ही करण्यात आल्याता आरोप करत गुन्हा नोंद करून शिक्षा दिलीच पाहिजे अशी मागमी केली आहे. तर रुपाली चाकणकर यांनीही पोलिसांनी तातडीनं चौकशी करावी, असं म्हटलंय. रोहिणी खडसेंवरील या हल्ल्याप्रकरणी 6 जणांविरोधात गुन्हाही दाखल करण्यात आलाय. पोलिस याप्रकरणी आता अधिक तपास करत आहेत.
मात्र फक्त गुन्हाच नाही तर कडक कारवाईची मागणी आपण मुख्यमंत्र्यांकडे करणार असल्याचं खडसेंनी म्हंटलंय. त्याच वेळी आमदार चंद्रकांत पाटील राष्ट्रवादीच्या कार्यकर्त्या त्रास देत असल्याची तक्रारही मुख्यमंत्र्यांकडे करणार असल्याचं खडसेंनी स्पष्ट केलंय. एकूणच आरोप प्रत्यारोपांच्या फैरी जळगावात झाडल्या जात आहेत.
वाद विकोपाला
याआधीच राष्ट्रवादी काँग्रेसच्या महिला शहर अध्यक्षांच्या विनयभंगासंदर्भातील कथित ऑडिओ क्लिपच्या आरोपांवरूनही खडसे आणि पाटील यांच्यात आरोप प्रत्यारोपांच्या फैरी पाहायला मिळाल्या होत्या. चंद्रकांत पाटलांनी एकनाथ खडसेंमुळे माझ्या जीवाला धोका असल्याचा गंभीर आरोप केला होता. तर गुन्हा नोंद झाल्यानं आमदाराचे धाबे दणाणलं आहे, असा टोला एकनाथ खडसेंनी लगावला होता. यानंतर चंद्रकांत पाटील यांनी ओडिओ क्लिपशी माझा संबंध स्पष्ट केले तर आमदारकीचा राजीनामा देईन, असं चॅलेंज दिलं होतं. या सगळ्यात आरोप-प्रत्यारोप आणि शाब्दीक चकमकीनंतर आता रोहिणी खडसेंवरील हल्ल्यानंतर जळगावात खडसे-पाटील वाद अगदी विकोपाला पोहोचलाय, हेच पुन्हा अधोरेखित झालंय.
इतर बातम्या –
Assembly Session | विद्यापीठ सुधारणा विधेयकावरुन विधानसभेत गदारोळ, सभागृहात घोषणाबाजी
अधिवेशनात सर्वात प्रभावी नेता कोण ? लोक म्हणतात फक्त दादा, अजित पवार यांना 42 टक्के लोकांची पसंती !
