‘हे असं दाखवायचं…’, आजारी वडिलांची सेवा करुनही प्रसिद्ध अभिनेत्री का होतेय ट्रोल?
छोट्या पडद्यावरच्या एका प्रसिद्ध अभिनेत्रीने वडिलांची सेवा करतानाचा एक व्हिडिओ सोशल मीडियावर पोस्ट केलाय. पण त्यावरुनही या अभिनेत्रीला ट्रोल केलं जातय. युजर्स असं का करतायत?
आई-वडिलांची सेवा करणं ही चांगली बाब आहे. पण प्रसिद्ध अभिनेत्री वडिलांची सेवा करुनही ट्रोल होतेय. यामागे काय कारण आहे? टीव्ही अभिनेत्री माही विजचे वडिल आजारी आहेत. त्यामुळे माही सध्या स्ट्रेसमध्ये आहे.
वडिलांना डॉक्टरांनी बेड रेस्ट सांगितली आहे. या परिस्थितीत माही आपल्या वडिलांची काळजी घेत आहे. त्यांना आंघोळ घालणं, मालिश करण्यापासून त्यांची नख कापणं ही सर्व काम करत आहे.
माही विजने वडिलांची सेवा करतानाचा व्हिडिओ इन्स्टाग्रामवर शेयर केला. मागचे 10 दिवस किती कठीण होते, ते तिने सांगितलं. अभिनेत्रीचा हा व्हिडिओ बघितल्यानंतर अनेकांनी तिला ट्रोल करायला सुरुवात केली.
आई-वडिलांची सेवा करण्याच असं प्रदर्शन करायचं नसतं, असं तिला युजर्सनी सुनावलं. बरच ट्रोलिंग सहन केल्यानंतर माहीने हेटर्सना उत्तर दिलं.
जे आपल्या आई-वडिलांना सोडून देतात, त्या मुर्खांसाठी मी हा व्हिडिओ पोस्ट करावा, अशी माझ्या वडिलांची इच्छा होती. म्हणून मी हा व्हिडिओ पोस्ट केला. जे नकारात्मक कमेंट करतायत, देव त्यांना आंनदी ठेवो असं तिने म्हटलं आहे.
