बदामापेक्षा जास्त शक्तीशाली या सहा वस्तू, स्वस्त अन् आरोग्यासाठी मस्त
बदाम भिजवून खाणे आरोग्यासाठी फायदेशीर असते. परंतु बदाम महाग असल्यामुळे अनेक जण ते खाऊ शकत नाही. परंतु बदाम किंवा दुसऱ्या ड्रायफ्रूट ऐवजी दुसऱ्या वस्तूंचा वापर करता येईल. या वस्तूंच्या प्रत्येक दाण्यात शक्ती अन् स्टॅमिना आहे. बदामाला तुम्हाला सहा पर्याय सांगणार आहोत. त्यातून प्रोटीन, कॅल्शियम, व्हिटामिन बी, फायबर, हेल्दी कार्ब्स मिळेल.
मूग डाळ : प्रथिनांसाठी मूग डाळ सर्वोत्तम आहे. ते भिजवून किंवा अंकुरीत केलेले खाता येते. युनायटेड स्टेट्स डिपार्टमेंट ऑफ एग्रीकल्चरनुसार, त्यात प्रथिने, कार्ब्स, फोलेट, व्हिटॅमिन बी, लोह, असते. त्यामुळे संपूर्ण शरीरातील कमजोरी दूर करू शकते.
शेंगदाणे : शेंगदाण्याला गरिबांचा बदाम म्हणतात. स्वस्त असूनही त्यात बदामाचे सर्व गुण मिळतात. त्यात प्रथिने, फायबर, मोनोअनसॅच्युरेटेड फॅट्स, मॅग्नेशियम, कॅल्शियम, पोटॅशियम यांसारखे जवळजवळ सर्व पोषक घटक असतात. हे रात्रभर भिजवून बदामासारखे खाऊ शकतात.
हरबरा : हरबराच्या प्रत्येक दाण्यामध्ये घोड्यासारखी ताकद असते. यामध्ये प्रथिने, फायबर, लोह, कॅल्शियम, व्हिटॅमिन बी, व्हिटॅमिन सी आणि आरोग्यदायी कॅलरीज असतात. यामुळे स्नायू अन् हाडे मजबूत होतात.
अंजीर : अंजीर भिजवून खाऊ शकता. त्यातील फायबर बद्धकोष्ठता आणि पचन बरे करते. त्यामुळे पोषक तत्वांच्या उपलब्धतेचा वेग वाढतो. शरीराला अधिक पोषण मिळते आणि स्टॅमिना वाढतो. या 5 गोष्टी तुम्ही बदामाऐवजी भिजवून खाऊ शकता.
जवस : भिजवलेल्या जवसाच्या बिया कर्करोगाचा धोका कमी करू शकतात. हे चरबी कमी करण्यास मदत करते. तसेच वजन कमी करण्यास प्रतिबंध करते. यामुळे बॅड कोलेस्ट्रॉल कमी होतो. रक्तदाब नियंत्रित राहील. ज्यामुळे हृदयाचे आरोग्य चांगले राहते. मधूमेह असलेल्या रुग्णांनी त्याचे सेवन करावे.
अक्रोड : बदामापेक्षा अक्रोड हे मेंदूसाठी अधिक आरोग्यदायी असतात. हे खाल्यामुळे वृद्धत्व असताना मेंदूचे कार्य सुधारते. वयाच्या 60 व्या वर्षीही तुमचा मेंदू 20 वर्षांचा असताना सारखाच काम करेल.
