मुलगा की मुलगी? डिलिव्हरीच्या आधीच बाळाचं लिंग सांगितल्याने अनन्या पांडेच्या बहिणीवर भडकले नेटकरी
अभिनेत्री अनन्या पांडेची चुलत बहीण अलाना पांडे गरोदर असून नुकतंच तिने तिच्या होणाऱ्या बाळाचं लिंग जाहीर केलं. यावरून नेटकऱ्यांनी तिला ट्रोल करायला सुरुवात केली आहे. अलाना ही प्रसिद्ध युट्यूबर आणि सोशल मीडिया इन्फ्लुएन्सर आहे.
अभिनेत्री अनन्या पांडेची चुलत बहीण आणि युट्यूबर अलाना पांडेनं काही नुकतीच प्रेग्नंसीची घोषणा केली. अलाना ही अभिनेते चंकी पांडे यांचा भाऊ चिक्की पांडेंची मुलगी आहे. गेल्या वर्षी मार्च महिन्यात तिने बॉयफ्रेंड आयव्हर मॅक्रेशी लग्न केलं होतं.
आता अलानाने सोशल मीडियावर फोटो आणि व्हिडीओ पोस्ट करत तिला मुलगा होणार की मुलगी हे जाहीर केलं. अलाना आणि आयव्हर हे दोघं अमेरिकेत राहतात. तिथे गर्भलिंग निदान चाचणी करणं कायदेशीर असल्याने अलानाने तिच्या बाळाचं लिंग जाहीर केलं.
अलाना आणि आयव्हर यांनी काचेच्या ग्लासने पांढऱ्या रंगाचा केक कापला. या केकच्या आतमध्ये निळा किंवा गुलाबी रंग असल्यास त्यानुसार बाळाचं लिंग जाहीर केलं जातं. अलाना आणि आयव्हरने कापलेल्या केकचा रंग आतून निळा होता. त्यामुळे त्यांना मुलगा होणार असल्याचं जाहीर झालं.
मात्र अलानाने बाळाचं लिंग जाहीर केल्याने काही नेटकरी नाराज झाले आहेत. हे चुकीचं आहे, असं अनेकांनी म्हटलंय. गर्भलिंग निदान चाचणीवर भारतात बंदी असली तरी परदेशात ती केली जाते. म्हणूनच अलानाने ही चाचणी केल्यास चुकीचं काय, अशीही बाजू काहींनी मांडली आहे.
अनन्याची बहीण अलाना ही सोशल मीडिया इन्फ्लुएन्सर आहे. इन्स्टाग्रामवर तिचा मोठा चाहतावर्ग आहे. त्यावर तिने पंधरा लाखांहून अधिक फॉलोअर्स आहेत. तिचा होणारा पती आयव्हर मॅक्रे हा दिग्दर्शक आहे.