PHOTO : अनन्याजवळ आता नवे कपडे नाहीत, जीम बंद करण्यामागे सांगितलं ‘हे’ कारण
अभिनेत्री अनन्या पांडे चिंतेत आहे. त्यामुळे तिने जीमला जाणंदेखील बंद केलं आहे (Ananya Pandey on fashion).
- बॉलिवूड कलाकार बऱ्याचदा त्यांच्या फॅशन, स्टाईल आणि लूकसाठी चर्चेत असतात. त्यांच्या स्टाईल आणि लूकला अनेक चाहते फॉलो करतात. त्यामुळे सिनेकलाकार आपल्या लूककडे जास्त लक्ष देतात. याच गोष्टीमुळे अभिनेत्री अनन्या पांडे चिंतेत आहे. त्यामुळे तिने जीमला जाणंदेखील बंद केलं आहे.
- अनन्याने नुकतंच फिल्मी मिर्चीच्या एका टॉक शोमध्ये सहभाग घेतला. या कार्यक्रमाचं सूत्रसंचालन अभिनेत्री करिना कपूर करते. या कार्यक्रमात करिनासोबत चर्चा करताना अनन्याने फॅशनबाबत माहिती दिली.
- मी दररोज नवे कपडे कसे वापरु शकते. माझ्याजवळ आता नवे कपडेही नाहीत. त्यामुळे मी जीमला जाणं बंद केलं आहे, असं अनन्या म्हणाली.
- जीम आणि एअरपोर्टला मला कम्फर्टेबल राहायचं असतं त्यामुळे मी लुक्सचा जास्त विचार करत नाही, असंही ती म्हणाली.
- अनन्या पांडे लवकरच दिग्दर्शक शकुन बत्राच्या चित्रपटात दिसणार आहे. या चित्रपटात अनन्यासोबत दीपिका पदुकोण आणि सिद्धांत चतुर्वेदी हे कलाकार देखील दिसणार आहेत.