नाश्त्यात फळे खाण्याचे आहेत हे 5 फायदे!
सकाळी सर्वप्रथम फळे खाल्ल्याने आरोग्यासाठी अनेक फायदे होऊ शकतात. आपल्या सकाळच्या रुटीनमध्ये फळांचा समावेश करण्याचे असंख्य फायदे आहेत. काय आहेत हे फायदे? फळे खाल्ल्याने आरोग्याचे काय फायदे आहेत वाचा...
काय नसतं फळांमध्ये? खनिजे, जीवनसत्त्वे, व्हिटॅमिन सी, पोटॅशियम. असंख्य फायदे फळे खाल्ल्याने होतात. नाश्ता हा दिनचर्येचा अविभाज्य घटक आहे. नाश्त्यात जर तुम्ही फळे खाल्लीत तर नक्कीच तुम्हाला त्याचा खूप खूप फायदा होणारे. खनिजे आणि अँटीऑक्सिडंट्स सुद्धा फळांमधून मिळतात.
फायबर मुळे बद्धकोष्ठता होत नाही. पचन व्यवस्थित होते. फायबर आतड्यांसंबंधित असणारी कामे नियमित करते त्यामुळे अर्थातच पचन नियमित होते. फळांमध्ये फायबर असते त्यामुळे सकाळी नाश्त्यात फळांचा समावेश असावा.
हायड्रेशन किती गरजेचं आहे हे काही तुम्हाला वेगळं सांगायची गरज नाही. पण आपलं शरीर फक्त पाणी प्यायल्यानेच हायड्रेटेड राहतं का? नाही. फळांमध्ये पाण्याचं प्रमाण चांगलं असतं. याने शरीर हायड्रेटेड राहतं.
व्हिटॅमिन सी हा असा घटक आहे जो आपल्याला फळांमधून जास्त मिळू शकतो. व्हिटॅमिन सी मुळे स्किन चांगली राहते. व्हिटॅमिन सी मुळे रोगप्रतिकारशक्ती वाढते. संत्री, द्राक्षे, मोसंबी यासारख्या अनेक फळांमध्ये व्हिटॅमिन सी असतं.
आपण नाश्ता काय करतो यावर अनेक गोष्टी अवलंबून असतात. बऱ्याच नाश्त्याच्या प्रकारात कॅलरी असतात पण फळे, फळांमध्ये कॅलरी कमी आणि फायबर जास्त असते त्यामुळे नाश्त्यामध्ये फळांचा ऑप्शन कधीही चांगलाच. फळांमुळे वजन नियंत्रणात राहते.
