Bhandardara Dam : पाणलोट क्षेत्रात श्रावणसरींचा जोर, भंडारदरा धरण भरले
Bhandardara Dam : पावसाळ्यात अहमदनगर जिल्ह्यातील भंडारदार धरणावर पर्यटकांचे ओघ सुरु असतात. निसर्गरम्य वातावरणामुळे पर्यटक धरण परिसरात वर्षा सहलीसाठी येतात. हे धरण आता शंभर टक्के भरले आहे.
यंदा राज्यात पावासाने चांगलीच ओढ दिली. ऑगस्ट महिन्यात फरसा पाऊस झाला नाही. परंतु गेल्या दोन दिवसांपासून सुरु असलेल्या पावसामुळे अहमदनगर जिल्ह्यातील भंडारदरा धरण शंभर टक्के भरले आहे. धरणातून विसर्ग सुरु करण्यात आला आहे.
भंडारदरा धरण हे उत्तर नगर जिल्ह्याला वरदान ठरले आहे. भंडारदरा धरण अखेर पूर्ण क्षमतेने भरले आहे. हे धरण ओव्हरफ्लो झालय. यंदा लहरी पावसाचा फटका भंडारदरा लाभक्षेत्रासह इतर धरणांच्या पाणलोटालाही बसला होता.
ऑगस्टचा शेवटचा आठवडा उलटत असताना समाधानकारक पाणीसाठा भंडारदरा धरणात झाला आहे. नगर जिल्ह्यातील एकही मोठे धरण अद्याप भरले नव्हते. मात्र गेल्या 48 तासांपासून काही प्रमाणात वाढला आहे. यामुळे हे धरण भरले आहे.
अहमदनगर जिल्ह्यात असलेल्या मोठ्या क्षमतेच्या तीन धरणांमध्ये सर्वप्रथम तुडूंब होण्याचा मान यंदाही भंडारदर्‍यालाच मिळालाय. २५ ऑगस्ट रोजी धरण भरल्यामुळे पाण्याचा विसर्ग सुरु करण्यात आला आहे.
यंदा पावसाने ब्रेक घेतल्यामुळे धरण भरण्याबाबत साशंकता होती. मात्र दोन दिवसांत धरणात 100 दशलक्ष घनफूटा पाण्याची आवक झाली. भंडारदरा धरणाने आपली 11 हजार 39 दशलक्ष घनफूटाची पातळी गाठलीय तर निळवंडे धरणातूनही विसर्ग सोडण्यात आलाय.
राज्यात इतर धरणांमध्ये अजूनही पुरेसा साठा झालेला नाही. ऑगस्ट महिन्यात पाऊस न झाल्यामुळे यंदा धरणांमध्ये जलसाठा वाढलेला नाही. आता सप्टेंबर महिन्यातील पावसावर धरणाची परिस्थिती स्पष्ट होणार आहे.