सोनाक्षीचे झहीर इक्बालसोबत लग्न, शत्रुघ्न सिन्हा रूग्णालयात दाखल, पाच दिवसांपासून उपचार सुरूच, लेक म्हणाला..
सोनाक्षी सिन्हा आणि झहीर इक्बाल यांचे लग्न 23 जून 2024 रोजी झाले. सुरूवातीपासूनच अशी एक चर्चा रंगताना दिसली की, झहीर इक्बालसोबत सोनाक्षी लग्न करत असल्याने तिचे कुटुंबिय नाराज आहेत. हेच नाहीतर तिच्या लग्नाच्या कार्यक्रमांमध्ये तिचे दोन्ही भाऊ लव आणि कुश हे कुठेच दिसले नाहीत.
शत्रुघ्न सिन्हा हे लेक सोनाक्षी सिन्हा हिच्या लग्नात दिसले. त्यानंतर त्यांना थेट रूग्णालयात दाखल करण्यात आले. शत्रुघ्न सिन्हा हे गेल्या पाच दिवसांपासून मुंबईतील कोकिलाबेन रूग्णालयात उपचार घेत आहेत.
रिपोर्टनुसार, जुहू येथील घरात सोफ्यावरून उठताना पडल्यामुळे शत्रुघ्न सिन्हा यांना रूग्णालयात दाखल करण्यात आले. पडल्यानंतर दोन दिवसांनी त्यांना त्रास व्हायला लागला आणि त्यांना रूग्णालयात दाखल करण्यात आले.
दुसरीकडे शत्रुघ्न सिन्हा यांचा मुलगा लव याने म्हटले की, पप्पांची तब्येत एकदम ठिक आहे. त्यांना रूटीन आणि फुल बॉडी चेकअपसाठी त्यांना रूग्णालयात आणले गेले.
त्यानंतर डॉक्टरांनी त्यांना आराम करण्यास सांगितले, असे लवचे म्हणणे आहे. पाच दिवसांपासून शत्रुघ्न सिन्हा हे रूग्णालयातच आहेत.
चाहते देखील शत्रुघ्न सिन्हा यांच्या चांगल्या आरोग्यासाठी प्रार्थना करताना दिसत आहेत. सोनाक्षी सिन्हाच्या लग्नाला शत्रुघ्न सिन्हा यांचा विरोध असल्याचे सांगितले जाते.