मुसळधार पावसानं वाहून गेला पूल, पावसाचं रौद्र रुप दाखवणारे भीषण PHOTOS
पुरामुळे रात्रीपासून सोलापूर-विजापूर हायवेवरील वाहतूकदेखील बंद करण्यात आली आहे.
दोन दिवसांच्या पावसाने संपूर्ण राज्याला झोडपून काढलं आहे. अनेक ठिकाणी नदी, नाले भरून वाहिल्याने गावांत पाणी शिरलं आणि जनजीवन विस्कळीत झालं आहे.
सोलापूरमध्येही पावसाचं रौद्र रुप पाहायला मिळालं. वैराग हिंगणी रस्त्यावरील पूल पाण्याने वाहून गेला आहे. त्यामुळे वाहतूकीचा मोठा प्रश्न निर्माण झाला आहे.
हिंगणी मध्यम प्रकल्प ओव्हर फ्लो झाल्याने वैराग रस्त्यावर पाणी आलं. या पाण्याचा प्रवाह इतका मोठा होता की यामध्ये पूलही वाहून गेला आहे.
पावसानं असं नुकसान केल्यामुळे सुरक्षेच्या दृष्टीने हिंगणी -वैराग रस्ता वाहतुकीसाठी बंद करण्यात आल्याची माहिती देण्यात आली आहे.
तुम्ही फोटोमध्ये पाहू शकता कशा प्रकारे संपूर्ण पूल पाण्याखाली गेला आहे. यामुळे नागरिकांचे मोठे हाल होत आहेत.
पुरामुळे रात्रीपासून सोलापूर-विजापूर हायवेवरील वाहतूकदेखील बंद करण्यात आली आहे.
गुरुवारी रात्री हत्तुर इथं रस्त्यावर पाणी आल्याने सोलापूर-विजापूर हा नॅशनल हायवे वाहतुकीसाठी बंद करण्यात आला असून या रस्त्यावरील वाहतूक मागील 14 तासंपासून खोळंबली आहे.
सोलापूर-विजापूर जाणाऱ्या नागरिकांना सोलापूर पोलिसांकडून आवाहन करण्यात येते की पाणी ओसरेपर्यंत कोणीही या हायवेवर प्रवास करू नये.