चार राज्यांच्या निवडणूक निकाल सुरु असताना मुंबईमध्ये मुख्यमंत्री एकनाथ शिंदे दैनंदिन कामांत व्यस्त होते. मुंबईत सुरु असलेल्या स्वच्छता अभियानाची पाहणी करण्यासाठी एकनाथ शिंदे सकाळीच बाहेर पडले. ठिकठिकाणी पाहणी दौरा करून स्वच्छ मुंबई करण्याच्या प्रयत्न सुरू आहे.
मुख्यमंत्री गिरगाव चौपाटीवर स्वच्छता अभियानाची पाहणी करण्यास पोहचले. त्यावेळी बच्चे कंपनी क्रिकेट खेळत होती. मग मुख्यमंत्री एकनाथ शिंदे यांनाही आपले लहानपणाचे दिवस आठवले. त्यांनी मुलांकडून चक्क बॅट हातात घेऊन खेळण्यास सुरुवात केली.
मुख्यमंत्री एकनाथ शिंदे स्वत: फलंदाज म्हणून समोर आले. मग बच्चे कंपनीतील कसलेला गोलंदाज समोर आला. त्याने मुख्यमंत्री शिंदे यांनी बॉल टाकला आणि मुख्यमंत्र्यांनी तो टोलवण्याचा प्रयत्न केला. परंतु बॅटचा दांडा मुख्यमंत्र्यांच्या हाती राहिला आणि बॅट दुसरीकडे गेली.
मुख्यमंत्री एकनाथ शिंदे हे स्वत: तेलंगणा आणि राजस्थानमध्ये भाजप उमेदवाराच्या निवडणूक प्रचाराला गेला होते. तेलंगणामध्ये भाजपला यश मिळाले नसले तरी राजस्थानमध्ये मात्र पुन्हा भाजप सरकार आले आहे. या सर्व धावपळीत एकनाथ शिंदे क्रिकेटचा आनंद घेत आहे.
एकनाथ शिंदे रात्र असो की दिवस सर्वांच्या भेटीगाठी घेत राहतात. सामान्य कार्यकर्त्यांनाही ते भेटतात. गावी गेल्यावर शेतात जाण्याचा आनंद घेतात. आता गिरगाव चौपटीवर क्रिकेट क्रिकेट खेळण्याचा आनंद त्यांनी घेतला.