‘बिग बॉस मराठी’च्या फिनाले पूर्वीच अंकिता वालावलकरचे चाहते नाराज, मोठं कारण अखेर समोर
बिग बॉस मराठी सीजन 5 धमाका करताना दिसत आहे. यंदाच्या सीजनबद्दल चाहत्यांमध्ये सुरूवातीपासूनच मोठी क्रेझ बघायला मिळाली. आता सीझन अंतिम टप्प्यात आहे. रविवारी 'बिग बॉस मराठी 5' शोची ट्रॉफी कोण घरी घेऊन जाणार? याची उत्सुकता शिगेली पोहोचली आहे.
काही तासांत आता 'बिग बॉस मराठी' शोच्या पाचव्या पर्वाचा विजेता घोषित होणार आहे. पण विजेत्याचं नाव घोषित करण्याआधीत अंकिताच्या चाहत्यांमध्ये नाराजीचं वातावरण दिसून येत आहे.
ज्येष्ठ अभिनेत्री वर्षा उसगांवकर यांच्या नंतर आणखी एक स्पर्धक घराबाहेर निघणार असल्याची चर्चा जोर धरत आहे. शेवटच्या दिवशी अंकिता 'बिग बॉस'च्या घराचा निरोप घेणार... अशी चर्चा रंगत आहे.
अंकिता घरातून बाहेर होणार... अशी चर्चा रंगत असल्यामुळे अंकिता हिच्या चाहत्यांमध्ये नाराजीचं वातावरण असल्याचं चित्र दिसून येत आहे. सोशल मीडियावर देखील अंकिताचे अनेक फोटो आणि व्हिडीओ व्हायरल होत आहेत.
सोशल मीडियावर सध्या सर्व बिग बॉसच्या स्पर्धकांची चर्चा रंगली आहे. त्यामध्ये अंकिता हिला विनाकारण टार्गेट केलं जात आहे... असं नेटकऱ्यांचं म्हणणं आहे.
वर्षा उसगांवकर यांनी शोचा निरोप घेतल्यानंतर ‘बिग बॉस 5’ शोला टॉप 6 स्पर्धत भेटले आहेत. अभिजीत, अंकिता, सूरज, निक्की, धनंजय आणि जान्हवी… या 6 स्पर्धकांमध्ये आता चुरशीची लढत पाहायलं मिळणार आहे.