Happy Birthday Gracy Singh | पहिल्या चित्रपटाच्या अभूतपूर्व यशानंतरही ग्रेसी सिंहला करावं लागलं होतं केआरकेसोबत काम!
बॉलिवूड अभिनेत्री ग्रेसी सिंहचा (Gracy Singh) आज (20 जुलै) वाढदिवस आहे. ग्रेसी सिंह अशी एक अभिनेत्री आहे, जिने बॉलिवूडमध्ये धमाकेदार एंट्री केली होती, परंतु तरीही तिला जास्त यश मिळू शकले नाही. असे म्हटले जाते की, ग्रेसी देखील नेपोटीझमचा बळी ठरली होती.
बॉलिवूड अभिनेत्री ग्रेसी सिंहचा (Gracy Singh) आज (20 जुलै) वाढदिवस आहे. ग्रेसी सिंह अशी एक अभिनेत्री आहे, जिने बॉलिवूडमध्ये धमाकेदार एंट्री केली होती, परंतु तरीही तिला जास्त यश मिळू शकले नाही. असे म्हटले जाते की, ग्रेसी देखील नेपोटीझमचा बळी ठरली होती.
मॉडेलिंगच्या जगात पाऊल ठेवल्यानंतरच ग्रेसी सिंहला 1997मध्ये ‘अमानत’ या टीव्ही मालिकेत काम करण्याची संधी मिळाली. या शोमधून ग्रेसीला ओळख मिळाली. यानंतर 2001मध्ये ती ‘लगान’ या चित्रपटाद्वारे मोठ्या स्क्रीनवर झळकली होती.
‘लगान’ नंतर, 2003मध्ये ग्रेसी, अजय देवगणसोबत ‘गंगाजल’ या चित्रपटात झळकली आणि या चित्रपटातूनही ग्रेसी सिंहने यश मिळवले. त्यानंतर ग्रेसी काही मोजक्या चित्रपटांमध्ये दिसली होती.
ग्रेसी सिंहमध्ये नायिकेत असावे असे सर्व गुण होते, परंतु अभिनेत्रीचे एक-दोन चित्रपट फ्लॉप होताच तिला काम मिळणे बंद झाले.
आपली कारकीर्द सुरु राहावी म्हणून 2008 मध्ये तिने कमल आर खान म्हणजेच केआरकेच्या 'देशद्रोही' चित्रपटातही काम केले. जेव्हा, अभिनेत्रीला चित्रपटांमध्ये यश मिळाले नाही, तेव्हा ती छोट्या पडद्याकडे वळली. छोट्या पडद्यावरील ‘जय संतोषी मां’ या मालिकेत तिने काम केले.
असं म्हणतात की, चित्रपटांमध्ये फारसे यश न मिळाल्याने नंतर अभिनेत्री अध्यात्माकडे वळली. ती जरी आता छोट्या पडद्यावर झळकत असली तरी, तिचे चाहते तिच्या चित्रपटाची प्रतीक्षा करत आहेत.