Happy Birthday Padmini Kolhapure: वयाच्या १७ व्या वर्षी दोन फिल्मफेअर पुरस्कार, हरहुन्नरी अभिनेत्री, पद्मिनी कोल्हापुरे यांच्याबद्दल कधीही समोर न आलेल्या गोष्टी
बॉलिवूडची प्रसिद्ध अभिनेत्री पद्मिनी कोल्हापुरे ही एक उत्तम अभिनेत्री आहे पण अभिनयासोबतच संगीतही तिच्या रक्तात वाहते कारण संगीतात तिच्या वडिलांचा आणि कुटुंबाचा मोलाचा वाटा आहे.
बॉलिवूडची प्रसिद्ध अभिनेत्री पद्मिनी कोल्हापुरे ही एक उत्तम अभिनेत्री आहे पण अभिनयासोबतच संगीतही तिच्या रक्तात वाहते कारण संगीतात तिच्या वडिलांचा आणि कुटुंबाचा मोलाचा वाटा आहे.
बॉलिवूडची प्रसिद्ध अभिनेत्री पद्मिनी कोल्हापुरे आज ५६ वर्षांची झाली आहे. त्यांनी वयाच्या ७ व्या वर्षी १९७२ मध्ये अभिनयाला सुरुवात केली. सत्यम शिवम सुंदरममधून पद्मिनीला अभिनेत्री म्हणून यश मिळाले. वयाच्या अवघ्या पंधराव्या वर्षी पद्मिनीने इन्साफ का तराजू मधील अभिनयासाठी सर्वोत्कृष्ट सहाय्यक अभिनेत्रीचा फिल्मफेअर पुरस्कार जिंकला. तर वयाच्या सतराव्या वर्षी प्रेम रोग या चित्रपटासाठी तिला सर्वोत्कृष्ट अभिनेत्रीचा फिल्मफेअर पुरस्कार मिळाला.
वयाच्या १७ व्या वर्षी दोन फिल्मफेअर पुरस्कार पटकावलेल्या या अभिनेत्रीला खरंतर गायिका व्हायचं होतं. नुकतेच त्यांनी एका मुलाखतीमध्ये मला पार्श्वगायिका व्हायचे होते पण तेव्हा नियतीच्या मनात काही वेगळेच होते. पण पार्श्वगायिका न झाल्याची खंत आहे. मला अजूनही गाणे गायला आवडते." अशी महिती दिली होती.
पद्मिनी कोल्हापुरे या प्रसिद्ध गायिका आशा भोसले आणि लता मंगेशकर यांच्या भाची आहेत. त्यांचे वडील पंढरीनाथ कोल्हापुरे हे देखील संगीतकार होते.
पद्मिनी कोल्हापुरे शेवटची अर्जुन कपूरच्या पानिपत या चित्रपटात दिसल्या होत्या. या चित्रपटात त्यांनी गोपिकाबाईची भूमिका साकारली होती.अलीकडेच त्यांनी त्यांचा मुलगा प्रियांक के शर्मा सोबत धमाका रेकॉर्ड्स हे संगीत लेबल लाँच केले. आई आणि मुलाच्या जोडीने 'हम हिंदुस्तानी' हे गाण लाँच केले.
