Happy Birthday Raveena Tandon | अभिनेत्री असण्याबरोबरच यशस्वी मॉडेल आणि निर्मातीदेखील!, वाचा अभिनेत्री रवीना टंडनबद्दल…
'मोहरा', 'शूल', 'दमन' आणि 'सत्ता'सह अनेक चित्रपटांमध्ये दमदार अभिनय केलेल्या रवीना टंडनचा आज (25 ऑक्टोबर) वाढदिवस आहे. रवीनाने तिच्या करिअरची सुरुवात सलमान खानसोबत 'पत्थर के फूल' (1991) या चित्रपटातून केली होती.
'मोहरा', 'शूल', 'दमन' आणि 'सत्ता'सह अनेक चित्रपटांमध्ये दमदार अभिनय केलेल्या रवीना टंडनचा आज (25 ऑक्टोबर) वाढदिवस आहे. रवीनाने तिच्या करिअरची सुरुवात सलमान खानसोबत 'पत्थर के फूल' (1991) या चित्रपटातून केली होती. मात्र, तिला यश 'मोहरा' (1994) या चित्रपटातून मिळाले. आता रवीना 47 वर्षांची आहे पण, ती अजूनही खूप सुंदर दिसते.
अक्षय कुमारसोबत रवीनाचे ‘मोहरा’ या चित्रपटातील ‘तू चीज बडी है मस्त मस्त’ हे गाणे चांगलेच गाजले आणि या गाण्यानंतर तिला ‘मस्त मस्त गर्ल’चा टॅग देण्यात आला.
अक्षय व्यतिरिक्त रवीनाची गोविंदासोबतची जोडीही चांगलीच गाजली. दोघांचे जवळपास सर्वच चित्रपट सुपरहिट ठरले. रवीनाने बॉलिवूडमध्ये 30 वर्षे पूर्ण केली आहेत. इतक्या वर्षांनंतरही रवीनाचे आकर्षण लोकांच्या मनात पूर्वीसारखेच आहे.
'टिप टिप बरसा पानी' या गाण्यावर पाणी पेटवणारी अभिनेत्री रवीना टंडन एक यशस्वी अभिनेत्री असण्यासोबतच एक मॉडेल आणि निर्माती देखील आहे.
रवीनाचे चित्रपट जितके चर्चेचा विषय होते, तितकेच तिचे अक्षय कुमारसोबतचे अफेअरही होते. असे म्हटले जाते की, या दोघांचे प्रेम 1994 मध्ये रिलीज झालेल्या 'मोहरा' चित्रपटाच्या शूटिंग दरम्यान सुरू झाले. हा चित्रपट सुपरहिट झाला आणि दोघांची ऑन-स्क्रीन केमिस्ट्री चांगलीच पसंतीस उतरली. मात्र, नंतर हे नाते संपुष्टात आले.
रवीना टंडन लग्नापूर्वी सिंगल मदर झाली. तिने दोन मुलींना दत्तक घेतले. ज्यांची नावे पूजा आणि छाया. तिने नंतर चित्रपट वितरक अनिल थडाणीशी लग्न केले. लग्नानंतर त्यांना एक मुलगा आणि एक मुलगी झाली. रवीना सोशल मीडियावर खूप सक्रिय असते.