Kareena Kapoor-Saif Ali Khan : करीना-सैफने अलिशान फ्लॅट दिला भाड्याने; भाडं मिळालं, पण किती?; वाचा सविस्तर
मुंबईच्या वांद्रे भागात सैफ करीनाचा फ्लॅट ज्या ठिकाणी आहे, त्याचं सरासरी भाडे दरमहा 4-5 लाख रुपये आहे. वरून हे सैफ आणि करीनाचं घर आहे. अशा परिस्थितीत दरमहा फक्त 3.5 लाख रुपयांचं भाडं अपेक्षेपेक्षा खूपच कमी आहे. (Kareena Kapoor-Saif Ali Khan's Flat on rent; Read in detail)
करीना कपूर आणि सैफ अली खान हे बॉलिवूडमधील प्रसिद्ध जोडपं आहे. करीना आणि सैफ नुकतंच त्यांच्या नवीन घरात शिफ्ट झाले आहेत. सैफ आणि करीनानं लहान मुलगा जेहच्या जन्मापूर्वीच त्यांच्या नवीन घरात शिफ्ट होण्याचा निर्णय घेतला होता. आता त्यांनी आपलं जुनं घर भाड्याने दिलं आहे.
करीना आणि सैफ पूर्वी बँड्राच्या फॉर्च्यून हाईट्सच्या घरात राहत होते. आता हे घर सोडून ते नवीन घरात गेले आहेत.
करीना आणि सैफचं हे अपार्टमेंट 1500 चौरस फुटांमध्ये बांधले गेलं आहे. ज्यासाठी त्यांना आता एका महिन्यासाठी 3.5 लाख रुपये भाडं मिळणार आहे. यासह, 15 लाख रुपये जमा देखील केले गेले आहेत. यामध्ये 2 पार्किंग लॉट देखील आहेत. रिपोर्ट्सनुसार, या अपार्टमेंटची किंमत 12-14 कोटी रुपये आहे.
मुंबईच्या वांद्रे भागात सैफ करीनाचा फ्लॅट ज्या ठिकाणी आहे, त्याचं सरासरी भाडे दरमहा 4-5 लाख रुपये आहे. वरून हे सैफ आणि करीनाचं घर आहे. अशा परिस्थितीत दरमहा फक्त 3.5 लाख रुपयांचं भाडं अपेक्षेपेक्षा खूपच कमी आहे.
करीना कपूर आणि सैफ अली खान नवीन वर्षाच्या निमित्तानं या घरात शिफ्ट झाले. त्यांच्या नवीन घराची रचना दर्शनी शहा यांनी केली आहे. सैफ करीनाच्या नवीन घरात स्विमिंग पूल, तैमूरसाठी प्लेरूम, लायब्ररी, आर्ट वर्क, टेरेस यासह अनेक गोष्टी आहेत ज्यामुळे तिचं नवीन घर अधिक सुंदर झालंय.
सध्या करीना आणि सैफ मुलांसोबत सुट्टीवर गेले आहेत. या ठिकाणी त्यांनी सैफचा वाढदिवस साजरा केला. करीनानं तिच्या सुट्टीचे फोटो सोशल मीडियावर शेअर केले आहेत.
