KGF 2: ‘हा खरा फॅमिली मॅन’; पत्नी-मुलांसोबत समुद्रकिनारी ‘पिकनिक’ करणाऱ्या यशच्या फोटोवर कमेंट्सचा पाऊस
'केजीएफ: चाप्टर 2'ने (KGF 2) बॉक्स ऑफिसवर अक्षरश: धुमाकूळ घातला आहे. यशची मुख्य भूमिका असलेल्या या चित्रपटाची प्रेक्षकांमध्ये प्रचंड उत्सुकता होती. आता सिनेमागृहांमध्ये हा चित्रपट कमाल करत असताना अभिनेता यशने त्याच्या कुटुंबीयांना वेळ देण्याचं ठरवलं आहे.
'केजीएफ: चाप्टर 2'ने (KGF 2) बॉक्स ऑफिसवर अक्षरश: धुमाकूळ घातला आहे. अवघ्या तीन दिवसांत या चित्रपटाच्या हिंदी व्हर्जनने कमाईचा 100 कोटींचा टप्पा पार केला. आता या चित्रपटाची वाटचाल 200 कोटींकडे आहे. यशची मुख्य भूमिका असलेल्या या चित्रपटाची प्रेक्षकांमध्ये प्रचंड उत्सुकता होती. आता सिनेमागृहांमध्ये हा चित्रपट कमाल करत असताना अभिनेता यशने त्याच्या कुटुंबीयांना वेळ देण्याचं ठरवलं आहे.
यशची पत्नी राधिका पंडित हिने इन्स्टाग्रामवर यश आणि मुलांसोबतचा फोटो पोस्ट केला आहे. यश हा त्याच्या आर्या आणि यात्रव या दोन मुलांसोबत समुद्रकिनारी निवांत वेळ घालवताना पहायला मिळत आहे.
या फोटोंवर चाहत्यांनी लाईक्स आणि कमेंट्सचा वर्षाव केला आहे. 'केजीएफ 2'च्या यशानंतर या ब्रेकची तुला नितांत गरज होती, असं एका युजरने म्हटलंय. तर 'पिक्चर परफेक्ट' अशा शब्दांत दुसऱ्या चाहत्याने कौतुक केलंय.
'फॅमिली मॅन' अशीही उपमा काही चाहत्यांनी यशला दिली आहे. याआधीही यशचे त्याच्या कुटुंबीयांसोबतचे फोटो सोशल मीडियावर व्हायरल झाले होते. सणाच्या दिवशी कुटुंबीयांसोबत जमिनीवर बसून केळीच्या पानात जेवणाचा आनंद घेतानाचा त्याचा हा फोटो होता.
यश हा सध्या कन्नड चित्रपटसृष्टीतील सर्वाधिक मानधन घेणाऱ्या कलाकारांपैकी एक आहे. 'केजीएफ: चाप्टर 2'ने जगभरात आतापर्यंत 551.83 कोटी रुपयांचा गल्ला जमवला आहे.