Apurva Nemlekar : चेहऱ्यावर सुंदर हावभाव देत अपूर्वा नेमळेकरचे नवे फोटो, शेअर केला नो मेकअप लूक
छोट्या पडद्यावरची बहुचर्चित मालिका ‘रात्रीस खेळ चाले’मधील शेवंतानं चाहत्यांच्या मनावर एक वेगळी छाप पाडली आहे. संपूर्ण महाराष्ट्रात तिचे लाखो चाहते आहेत.
अभिनेत्री अपूर्वा नेमळेकर सोशल मीडियावर खूप सक्रिय असते. ती सतत आपल्या चाहत्यांशी संपर्कात असते. इतकंच नव्हे तर, नेहमी नवनवीन फोटोशूट करून त्यातील फोटो देखील ती चाहत्यांसोबत शेअर करत असते.
आता शेवंता अर्थात अभिनेत्री अपूर्वा नेमळेकरनं तिचा नो मेकअप लूक चाहत्यांसोबत शेअर केला आहे. या फोटोंवर चाहत्यांनी लाईक्स आणि कमेंट्सचा वर्षाव केला आहे.
अपूर्वा अस्सल मुंबईकर! रुपारेल महाविद्यालयात शिकत असतानाच तिला पहिल्या मालिकेसाठी विचारणा झाली होती. अभिनय क्षेत्रात येणे हीच नियती होती, असे मानणाऱ्या अपूर्वाने या क्षेत्रात येण्याबद्दल कधीच विचार केला नव्हता.
तिनं शेअर केलेल्या या फोटोमध्ये ती प्रचंड सुंदर दिसतेय. वेगवेगळे हावभाव चाहत्यांचं लक्ष वेधून घेत आहेत. तिच्या चाहत्यांच्याही हे फोटो पसंतीस उतरले आहेत.