राम चरण याने पत्नीसोबत घेतली मुख्यमंत्री एकनाथ शिंदे यांची ‘ग्रेटभेट’, फोटो व्हायरल
साऊथ सिनेसृष्टीतील सुपरस्टार राम चरणा याने पत्नी उपासना कामिनेनी हिच्यासह महाराष्ट्राचे मुख्यमंत्री एकनाथ शिंदे आणि त्यांच्या कुटुंबियांची भेट घेतली. महाराष्ट्राच्या मुख्यमंत्र्यांची भेट घेतल्यानंतर राम चरण आणि उपासना यांचे काही फोटो समोर आले आहेत. सध्या सर्वत्र 'या' खास भेटीची चर्चा रंगली आहे.
अभिनेता राम चरण आणि पत्नी उपासना काही दिवसांपूर्वी मुंबईत आले. आज त्यांनी एकनाथ शिंदे यांची त्यांच्या घरी जाऊन भेट घेतली. राम आणि उपासना सीएम एकनाथ यांच्या भेटीचे अनेक फोटो सध्या सर्वत्र व्हायरल होत आहेत.
फोटोंमध्ये एकनाथ शिंदे राम चरणा याचे गुलगस्ता आणि शाल देऊन स्वागत करताना दिसत आहेत. एवढंच नाही तर, मुख्यमंत्री यांनी पाहुण्यांना गणपतीची मुर्ती देखील दिली. त्याचवेळी एकनाथ शिंदे यांच्या सुनेने उपासना कामिनेनी हिचं हिंदू पद्धतीत स्वागत केलं.
राम चरण आणि उपासना यांनी त्यांच्या इन्स्टाग्राम अकाऊंटवर सीएम एकनाथ शिंदे यांच्यासोबतच्या त्यांच्या भेटीचे फोटो पोस्ट केले आहेत. सध्या सर्वत्र फक्त आणि राम चरण आणि मुख्यमंत्री यांच्या भेटीची चर्चा रंगली आहे.
फोटो पोस्ट करत उपासना हिने कॅप्शनमध्ये आदरातिथ्याबद्दल आणि प्रेमळपणाबद्दल मुख्यमंत्री आणि त्यांच्या कुटुंबियांचे आभार व्यक्त केले आहेत. चाहते देखील फोटोंवर लाईक्स आणि कमेंटचा वर्षाव करत आहेत.
राम चरण याच्या आगामी सिनेमाबद्दल सांगायचं झालं तर, अभिनेता लवकरच 'गेम चेंजर' सिनेमाच्या माध्यमातून चाहत्यांच्या भेटीस येणार आहे. सिनेमात अभिनेत्री कियारा अडवाणी देखील महत्त्वाच्या भूमिकेत दिसणार आहे. चाहते देखील अभिनेत्याच्या आगामी सिनेमाच्या प्रतीक्षेत आहेत.