बाबर आझम याच्या एक्स-गर्लफ्रेंडला डेट करतोय भारतातील प्रसिद्ध गायक! फोटो समोर
'या' पाकिस्तानी अभिनेत्रीच्या सौंदर्यावर सेलिब्रिटी घायाळ... बाबर आझम यांच्यानंतर पाकिस्तानच्या 'या' अभिनेत्रीला डेट करतोय बॉलिवूडचा प्रसिद्ध गायक? फोटो समोर आल्यामुळे चाहत्यांवर रिलेशनशिपच्या चर्चांना उधाण... सध्या सर्वत्र फक्त आणि फक्त गायकाच्या खासगी आयुष्याची चर्चा...
पाकिस्तानी अभिनेत्री हानिया आमिर कायम तिच्या सौंदर्यामुळे चाहत्यांमध्ये चर्चेत असते. हानिया हिने आतापर्यंत अनेक सिनेमांमध्ये महत्त्वाची भूमिका साकारत चाहत्यांचं मनोरंजन केलं. पण आता हानिया तिच्या प्रोफेशनल आयुष्यामुळे नाही तर, खासगी आयुष्यामुळे चर्चेत आली आहे.
हानिया पाकिस्तानच्या टॉप अभिनेत्रींमध्ये अव्वल स्थानी आहे. तिच्या चाहत्यांची संख्या देखील फार मोठी आहे. म्हणून तिच्या खासगी आयुष्याबद्दल अनेक गोष्टी जाणून घेण्यासाठी चाहते उत्सुक असतात.
हानिया हिच्या आयुष्यात महत्त्वाचं स्थान कोणाचं आहे. अभिनेत्री कोणाला डेट करते...अशा अनेक चर्चा चाहत्यांमध्ये रंगलेल्या असतात. गेल्या काही दिवसांपूर्वी अभिनेत्रीचं नाव पाकिस्तान क्रिकेट संघाचा माजी कर्णधार बाबर आझम यांच्यासोबत जोडण्यात आलं होतं. पण क्रिकेटपटूला भाऊ म्हणत अभिनेत्रीने रंगणाऱ्या सर्व चर्चांना पूर्णविराम दिला.
आता अभिनेत्रीचं नाव बॉलिवूडचा प्रसिद्ध गायक बादशाह याच्यासोबत जोडलं जात आहे. सध्या सर्वत्र फक्त आणि फक्त हानिया आणि बादशाह यांच्या नात्याची चर्चा रंगली आहे. पण यावर दोघांपैकी कोणीही अधिकृत वक्तव्य केलं नाही.
सध्या हानिया आणि बादशाहा दुबई याठिकाणी आहेत. दोघांनी इन्स्टाग्राम पार्टी करताना काही फोटो पोस्ट केले आहेत. फोटो पाहिल्यानंतर चाहत्यांमध्ये हानिया आणि बादशाह यांच्या नात्याची चर्चा रंगली आहे.