Year Ender 2021 : व्हिडिओज् आणि फोटोंमधून ‘या’ सोशल मीडिया स्टार्सनी केलं मनोरंजन
सोशल मीडिया(Social Media)तल्या कलाकारांनी आपल्या घरात बंदिस्त असलेल्यांचं मनोरंजन केलं, त्यांना हसवलं. सोशल मीडिया स्टार्स यात यशस्वी ठरले.
२०२१ हे वर्ष कोरोना महामारीमुळे सर्वांसाठीच सर्वात वाईट वर्ष होतं. या साथीनं लहानांपासून मोठ्यांपर्यंत बाहेर पडणं बंद केलं. त्यामुळे ऑफिसमध्ये ऑनलाइन क्लासेस आणि वर्क फॉर होम कल्चर सुरू झालं, ते अजूनही सुरू आहे. यादरम्यान, सोशल मीडियातल्या कलाकारांनी आपल्या घरात बंदिस्त असलेल्यांचं मनोरंजन केलं, त्यांना हसवलं. सोशल मीडिया स्टार्स यात यशस्वी ठरले. चला जाणून घेऊया अशाच काही सोशल मीडिया सेन्सेशन्सबद्दल...
भुवन बाम हा यूट्यूबर गीतकार आणि गायक आहे. यूट्यूब चॅनेल बीबी की वाइन्ससाठी तो प्रसिद्ध आहे. त्याचा जन्म गुजरातच्या बडोद्यात झाला. सध्या तो नवी दिल्लीत राहतो. यूट्यूबर त्याचे या चॅनेलचे 24.8 मिलियन सबस्क्रायबर्स आहेत. काश्मीरच्या पुरात एका महिलेला आपला मुलगा गमवावा लागला. त्या महिलेस संवेदनशील प्रश्न विचारणाऱ्या पत्रकाराला सणसणीत चपराक मारली. या घटनेनं त्याला YouTube चॅनेल काढण्यास प्रोत्साहित केलं.
प्राजक्ता कोळी ही मोस्टलीसेन या नावानंही ओळखली जाते. एक यूट्यूबर असून कॉमेडी व्हिडिओ बनवते. तिचे व्हिडिओ मुख्यतः दैनंदिन जीवनातल्या परिस्थितीशी संबंधित असतात. 6.46 मिलियन सबस्क्रायबर्स आहेत. प्राजक्ता मूळ ठाणे जिल्ह्यातून येते. लहानपणी तिला रेडिओ ऐकण्याची आवड होती आणि तिनं 6वीमध्येच ठरवलं की आपल्याला रेडिओ जॉकी व्हायचं. तिचे वडील एक रिअल-इस्टेट व्यावसायिक आहेत. विद्यार्थिनी असताना तिनं वादविवाद आणि वक्तृत्व स्पर्धेतही भाग घेतला. ठाण्यातल्या वसंत विहार हायस्कूलमध्ये तिचं शिक्षण झालं. नंतर मुंबई विद्यापीठाच्या मुलुंडमधल्या व्ही. जी. वाझे कॉलेज ऑफ आर्ट्स, सायन्स अँड कॉमर्समधून मास मीडियाची पदवी प्राप्त केली.
अजय नागर (22 वर्ष) हा यूट्यूबर कॅरी मिनाटी या नावानं ओळखला जातो. त्याचे 33.6 मिलियन सबस्क्रायबर्स आहेत. फरिदाबादचा तो रहिवासी आहे. त्याच्या चॅनेलवर विनोदी स्किट्स आणि वेगवेगळ्या विषयावर व्हिडिओ अपलोड होत असतात. त्याचं दुसरं चॅनेल CarryisLive हे गेमिंग चॅनेल आहे. याला जवळपास 10.4 मिलियन सबस्क्रायबर्स आहेत.
जन्नत झुबेर रहमानी (20 वर्ष) एक अभिनेत्री म्हणून प्रसिद्ध आहे. तिनं 2010मध्ये स्टार वनच्या दिल मिल गयेमधून कारकिर्दीला सुरुवात केली. पण इमॅजिन टीव्हीच्या काशी-अब ना रहे तेरा कागज कोरा आणि 2010, 2011मध्ये कलर्स टीव्हीच्या फुलवाद्वारे तिला ओळख मिळाली. यानंतर तिनं विविध मालिका आणि सिनेमांत काम केलं. जन्नतचंही यूट्यूब चॅनेल असून त्याला 3.24 मिलियन सबस्क्रायबर्स आहेत.
आशिष चंचलानी (28 वर्ष) उल्हासनगरमधला असून एक YouTuber म्हणून ओळखला जातो. वेगवेगळ्या पात्रांसह तो YouTube व्हिडिओ करतो. भारतातल्या काही मोजक्या YouTuberपैकी तो एक आहे, ज्यानं खूप कमी वेळात 10 मिलियन सबस्क्रायबर्स मिळवले. आशिष चंचलानी वाइन्स या चॅनेलला जवळपास 27.2 मिलियन सबस्क्रायबर्स आहेत.
कुशा कपिला (32 वर्ष)तिच्या यूट्यूब चॅनेलसाठी, तिच्या इन्स्टाग्रामवर तिच्या रिल्स आणि व्हिडिओंसाठी ओळखली जाते. यूट्यूबवर तिचे 304k सबस्क्रायबर्स आहेत. वेगवेगळ्या विषयांवर ती व्हिडिओ अपलोड करते.
डॉली सिंग एक प्रसिद्ध फॅशन ब्लॉगर असून सोशल मीडियावर सक्रिय असते. तिच्या डॉली सिंग या चॅनेलला 574k सबस्क्रायबर्स आहेत. तिच्या यूट्यूब चॅनलवर 'राजू की मम्मी चॅट शो'मधल्या 'राजू की मम्मी' या कॅरेक्टरसाठी ती प्रसिद्ध आहे. तिचा जन्म 23 सप्टेंबर 1993ला उत्तराखंडच्या नैनितालमध्ये झाला.
अवनीत कौर (20 वर्ष) एक अभिनेत्री,[मॉडेल आणि डान्सर म्हणून प्रसिद्ध आहे. अवनीत कौर या यूट्यूब चॅनेलचे 1.64 मिलियन सबस्क्रायबर्स आहेत. चंद्र नंदिनीमधली चारुमती आणि अलादीन-नाम तो सुना होगामधल्या राजकुमारी यास्मिनच्या भूमिकेसाठी ती ओळखली जाते. झी टीव्हीच्या डान्स इंडिया डान्स लिटल मास्टर्सपासून तिनं करिअरची सुरुवात केली.
रियाज अली (16 वर्ष) हा टिक-टॉक स्टार, मॉडेल, अभिनेता म्हणून ओळखला जातो. यूट्यूबर त्याचे 322k सबस्क्रायबर्स आहेत. तरुणांमध्ये त्याचा चांगला फॅन फॉलोइंग आहे. त्यांनी लोकांच्या मनावर चॉकलेट बॉयची छाप सोडलीय. रियाझचे टिकटॉक व्हिडिओ अनेकदा व्हायरल होतात. आश्चर्याची गोष्ट म्हणजे रियाज अवघ्या17 वर्षांचा आहे, पण या वयात त्यानं जेवढं नाव कमावलंय ते मोठ्या स्टार्ससाठीही अवघड आहे. इंस्टाग्रामवरही रियाझ अनेकदा वेगवेगळ्या प्रकारचे व्हिडिओ शेअर करतो, जे लोकांना खूप आवडतात. त्याच्या प्रत्येक व्हिडिओला लाखो-दशलक्ष व्ह्यूज मिळतात.