लसणाचे पाणी प्यायल्याने Sperm count वाढवण्यासह मिळतील अनेक फायदे
भारतीय जेवणात लसणाचा वापर बराच केला जातो. लसणाचे वैशिष्ट्य म्हणजे त्याने अन्नाची चव तर वाढतेच पण त्यासह लसूण हे आरोग्यासाठीही फायदेशीर ठरते. रोज लसणाचे पाणी प्यायल्यास स्पर्म काऊंट वाढवण्यासह आरोग्याचे अनेक फायदे मिळू शकतात.
एका अहवालानुसार, लसणामध्ये काही अशी तत्वं असतात, ज्यामुळे कॅन्सरचा धोका कमी होऊ शकतो. दररोज लसणाची एक पाकळी पाण्यासह खाल्यास भविष्यात कॅन्सरचा धोका कमी होतो, असे म्हटले जाते. तसेच लसणाचे पाणी पिणेही खूप फायदेशीर असते.
मिळालेल्या माहितीनुसार, लसणातील गुणधर्म हे पुरूषांमधीव पिता बनण्याची क्षमता वाढवू शकतात. दररोज लसणाचे पाणी प्यायल्याने स्पर्म काऊंट म्हणजेच शुक्राणूंची संख्या वाढवण्यास मदत होते. यामुळे वंध्यत्व दूर राहते, असे म्हणतात.
अनेक संशोधनांनंतर अशी माहिती समोर आली आहे की लसणाचे पाणी प्यायल्यामुळे आपली पचनसंस्था मजबूत होते. हिवाळ्यात लसणाचे पाणी प्यायल्याने पोटाच्या अनेक समस्या टाळता येतात.
लसणाचे पाणी हे हृदयाच्या आरोग्यासाठी देखील चांगले ठरते. कारण ते रक्त पातळ करण्यास उपयुक्त आहे. हृदयविकारासाठी कारणीभूत ठरणाऱ्या बॅड कोलेस्ट्रॉलची पातळी कमी ठेवण्यासही लसूण उपयुक्त ठरते.
