Sanjay Dutt | संजय दत्तच्या नावावर 72 कोटीची संपत्ती सोडून जाणारी निशा पाटील कोण?
Sanjay Dutt | संजय दत्त बॉलिवूडमधील यशस्वी तसेच वादग्रस्त अभिनेता आहे. त्याने करिअरमध्ये अनेक चढ-उतार अनुभवले. ड्रग्ज, तुरुंगवास अशा वेगवेगळ्या अनुभवांमधून संजय दत्तला जाव लागलं. संजय दत्त चुकला पण त्यातून तो काही गोष्टी शिकला.
29 जुलै 1959 रोजी जन्मलेल्या संजय दत्तच आयुष्य हे एखाद्या चित्रपटाच्या कथेसारख आहे. त्यात बरेच चढ-उतार आहेत. संजय दत्तने आयुष्यात यश पाहिलं तसच वाईट काळही अनुभवला.
म्हणूनच संजय दत्तच्या आयुष्यावर ‘संजू’ नावाचा चित्रपट आला. रणबीर कपूरने या चित्रपटात संजय दत्तचा रोल साकारलेला. बॉक्स ऑफिसवर सुद्धा हा चित्रपट यशस्वी ठरला.
1981 साली 'रॉकी' चित्रपटाद्वारे संजय दत्तच्या फिल्मी करीअरला सुरुवात झाली. आजही संजूबाबा चित्रपटांमध्ये हिरोचा रोल साकारतो. महत्त्वाच म्हणजे तो अजूनही यशस्वी आहे.
संजय दत्तने करीअरमध्ये 130 पेक्षा जास्त चित्रपटात अभिनय केलाय. 17 पेक्षा जास्त पुरस्कार मिळवलेत. 'खलनायक', 'मुन्ना भाई एमबीबीएस' हे प्रेक्षकांच्या लक्षात राहिलेले काही खास चित्रपट आहेत.
1992 सालच्या साखळी बॉम्बस्फोट प्रकरणात त्याच्यावर आरोप झाले. त्याला तुरुंगवासही झाला. संजय दत्तने तुरंगवास भोगला. त्यानंतरही पडद्यावरील त्याची जादू कमी झाली नाही.
संजय दत्तवर वेगवेगळे आरोप झाले. मात्र, तरीही त्याला फॅन्सच प्रेमही भरपूर प्रेम मिळालं. संजय दत्तच्या आयुष्यात अशीही एक चाहती आली, तिला तो कधी विसरणार नाही.
2018 साली संजय दत्तला मुंबई पोलिसांचा फोन आला. पोलिसांनी सांगितलं की, 15 दिवसापूर्वी निशा पाटील म्हणून एका महिलेचा मृत्यू झालाय. मृत्यूपूर्वी तिने तिची सर्व संपत्ती संजय दत्तच्या नावावर केली होती.
निशा पाटील यांनी बँकेला अनेक पत्र लिहिली होती. आपण आपली सर्व संपत्ती संजय दत्तच्या नावावर करत असल्याच तिने पत्रात लिहिल होतं.
थोडीथोडकी नव्हे, तब्बल 72 कोटींची संपत्ती निशा पाटील संजय दत्तच्या नावावर सोडून गेल्या होत्या.
निशा पाटील यांनी आपल्या पाठीमागे वारस म्हणून संजय दत्तच नाव लिहिलं होतं. संजय दत्तला या बद्दल समजल्यानंतर त्याने बँकेला सांगून सर्व संपत्ती पाटील कुटुंबाकडेच सोपवली.
