प्लास्टिक सर्जरीनंतर इतका बदलला अदिती राव हैदरीचा लूक; तुम्हीही व्हाल थक्क!
संजय लीला भन्साळी दिग्दर्शित 'हिरामंडी'मध्ये बिब्बोजानची भूमिका साकारणाऱ्या अदिती राव हैदरीने तिच्या सौंदर्याने, अभिनयाने सर्वांनाच घायाळ केलं. मात्र काही वर्षांपूर्वी अदिती खूप वेगळी दिसायची. प्लास्टिक सर्जरीनंतर तिचं नाव आणि आयब्रो बदलले.
अभिनेत्री अदिती राव हैदरीला बॉलिवूडमधील सर्वात सुंदर अभिनेत्रींपैकी एक मानल जातं. राजघराण्यातून आलेल्या अदितीने बॉलिवूडसोबतच दाक्षिणात्य चित्रपटसृष्टीत आपली वेगळी ओळख निर्माण केली. सध्या हिरामंडी या वेब सीरिजमुळे अदिती सोशल मीडियावर तुफान चर्चेत आहे.
संजय लीला भन्साळी दिग्दर्शित हिरामंडी या वेब सीरिजमध्ये आदितीने बिब्बोजानची भूमिका साकारली आहे. या भूमिकेतून तिने प्रेक्षकांच्या मनावर विशेष छाप सोडली आहे. अदिती या सीरिजमधील तिच्या लूकमुळेही चर्चेत आली आहे. मात्र आता दिसणारी अदिती आणि आधीची अदिती यांमध्ये भरपूर फरक असल्याचं लक्षात आलंय.
सुरुवातीच्या चित्रपटांमध्ये अदितीचा चेहरा पूर्ण वेगळा दिसायचा आणि आता ती पूर्ण वेगळी दिसते. सोशल मीडियावर व्हायरल होत असलेल्या तिच्या फोटोंवरून ही गोष्ट सहज लक्षात येते. अदितीने प्लास्टिक सर्जरी करून तिचे आयब्रो आणि नाक यांचा आकार बदलल्याचं दिसून येतं.
अदितीने २००६ मध्ये प्रजापती या मल्याळम चित्रपटातून करिअरची सुरुवात केली. त्यानंतर तिने मर्डर ३, पद्मावत, सायको, बॉस, भूमी, वजीर, दास देव, खुबसुरत, ये साली जिंदगी यांसारख्या चित्रपटांमध्ये काम केलंय. सोशल मीडियावर तिचा मोठा चाहतावर्ग आहे.
अदितीने प्लास्टिक सर्जरी केली असली तरी तिच्या बाबतीत ही सर्जरी अत्यंत यशस्वी ठरल्याची प्रतिक्रिया काही नेटकऱ्यांनी दिली. नाकाच्या बदललेल्या आकारामुळे ती आधीपेक्षा अधिक सुंदर दिसत असल्याचं काहींनी म्हटलंय.