ICC Test Rankings: सुपर परफॉर्मन्सने बापूने दिग्ग्जांना दिला झटका, विराट-रोहितला मागे टाकून बनला नंबर 1
श्रीलंके विरुद्ध मोहालीमध्ये पहिल्या कसोटी (Mohali Test) सामन्यात शानदार शतक आणि एकूण नऊ विकेट घेणाऱ्या रवींद्र जाडेजाने (Ravindra jadeja) रँकिंगमध्ये मोठी झेप घेतली आहे.
श्रीलंके विरुद्ध मोहालीमध्ये पहिल्या कसोटी (Mohali Test) सामन्यात शानदार शतक आणि एकूण नऊ विकेट घेणाऱ्या रवींद्र जाडेजाने (Ravindra jadeja) रँकिंगमध्ये मोठी झेप घेतली आहे. आयसीसीच्या (ICC Ranking) ताज्या कसोटी ऑलराऊंडर खेळाडूंच्या यादीत रवींद्र जाडेजा पहिल्या स्थानावर पोहोचला आहे. जाडेजाने वेस्ट इंडिजच्या जेसन होल्डरला मागे टाकलं आहे. अश्विन तिसऱ्या स्थानावर आहे. (PC-BCCI)
जाडेजाच्या क्रमवारीत दोन स्थानांची सुधारणा झाली. मोहाली कसोटीत जाडेजाने पहिल्या डावात नाबाद 175 धावांची खेळी केली होती. त्यानंतर त्याने नऊ विकेटही घेतल्या होत्या. त्याला सामनावीराच्या पुरस्कारने गौरवण्यात आले. (PC-BCCI)
रवींद्र जाडेजाच्या कसोटी फलंदाजांच्या क्रमवारीतही सुधारणा झाली आहे. जाडेजाच्या रँकिंगमध्ये थेट 17 स्थानांची सुधारणा झाली आहे. तो आता फलंदाजांच्या रँकिंगमध्ये 37 व्या स्थानावर आहे. रवींद्र जाडेजाच्या गोलंदाजीच्या क्रमवारीतही तीन स्थानांची सुधारणा झाली आहे. तो 17 व्या नंबरवर आहे .(PC-BCCI)
"श्रीलंकेविरुद्धच्या कसोटी सामन्यात जाडेजाने दमदार प्रदर्शन केलं. त्यामुळेच ऑलराऊंडर पुरुष खेळाडूंच्या यादीत तो पहिल्या नंबरवर पोहोचला आहे" असे आयसीसीनेताज्या रँकिंगबद्दल म्हटलं आहे. (PC-PTI)
रवींद्र जाडेजा तब्बल पाच वर्षानंतर कसोटी ऑलराऊंडर खेळाडूंमध्ये नंबर 1 बनला आहे. जाडेजा याआधी ऑगस्ट 2017 मध्ये टॉपवर पोहोचला होता. फक्त एक आठवडाच त्याला या क्रमांकावर रहाता आलं. .(PC-PTI)