नरेंद्र मोदी स्टेडियम जगातील सर्वात मोठं क्रिकेट स्टेडियम का आहे? काय आहेत इथली वैशिष्ट्य जाणून घ्या….
IPL 2022 ची फायनल राजस्थान रॉयल्स आणि गुजरात टायटन्स या दोन संघांमध्ये होणार आहे. अहमदाबादच्या नरेंद्र मोदी स्टेडियमवर ही मॅच होईल.
IPL 2022 ची फायनल राजस्थान रॉयल्स आणि गुजरात टायटन्स या दोन संघांमध्ये होणार आहे. अहमदाबादच्या नरेंद्र मोदी स्टेडियमवर ही मॅच होईल. हे जगातील सर्वात मोठं स्टेडियम आहे. त्याशिवाय या मैदानाची अशी अनेक वैशिष्टय आहेत, ज्यामुळे हे मैदान विशेष आहे.
अहमदाबादचं नरेंद्र मोदी स्टेडियम सरदार पटेल क्रीडासंकुलात 63 एकरमध्ये पसरलेलं आहे. आधी हे ग्राऊंड मोटेरा स्टेडियम म्हणून ओळखलं जायचं. पण फेब्रुवारी 2021मध्ये या मैदानाचं नाव बदलून नरेंद्र मोदी स्टेडियम करण्यात आलं.
नरेंद्र मोदी स्टेडियममध्ये प्रेक्षकांची आसनव्यवस्था 1.32 लाख आहे. त्या दृष्टीने जगातील हे सर्वात मोठं स्टेडियम आहे. या आधी एमसीजीकडे हा दर्जा होता. त्या स्टेडियमची 90 हजार प्रेक्षकांना सामावून घेण्याची क्षमता आहे. GCA
या स्टेडियममध्ये चार ड्रेसिंग रुम आहेत. अन्य स्टेडियममध्ये दोन ड्रेसिंग रुम असतात. इथे व्यायामासाठी जीम आणि स्वीमिंग पूल सुद्धा आहे. जगातील दुसऱ्या कुठल्याही क्रिकेट स्टेडियममध्ये अशी सुविधा नाही. इथे एकाच वेळी 3 हजार कार आणि 10 हजार टू व्हीलरच्या पार्किंगची व्यवस्था आहे. Twitter
नरेंद्र मोदी स्टेडियममध्ये आतापर्यंत 14 कसोटी सामना, 27 वनडे आणि 6 T 20 आंतरराष्ट्रीय सामने खेळले गेले आहेत. त्याशिवाय स्टेडियममध्ये 16 IPL सामने झाले आहेत. गुजरात टायटन्सच हे होम ग्राऊंड आहे. 2010, 2014 आणि 2015 मध्ये हे स्टेडियम राजस्थान रॉयल्सचही होम ग्राऊंड होतं. IPL 2021 चे ही काही सामने इथे झालेत.
