मीच शाहिदला मेसेज-कॉल करायची..; जेव्हा करीना कपूरने केला खुलासा
अभिनेता शाहिद कपूर आणि अभिनेत्री करीना कपूर हे दोघं जवळपास तीन वर्षे एकमेकांना डेट करत होते. कॉफी विथ करण या चॅट शोमध्ये करीना त्यांच्या नात्याविषयी मोकळेपणे व्यक्त झाली होती.
अभिनेत्री करीना कपूर आणि शाहिद कपूर ही बॉलिवूडमधील सर्वाधिक चर्चेत असलेली जोडी होती. 'कॉफी विथ करण' या चॅट शोच्या एका जुन्या एपिसोडमध्ये करीना शाहिदविषयी मोकळेपणे व्यक्त झाली होती. शाहिदसोबतची लव्ह स्टोरी कशी सुरू झाली, याविषयी करीनाने सांगितलं होतं.
"शाहिदने मला भावच दिला नव्हता. मला जवळपास दोन महिने त्याच्या मागे लागावं लागलं होतं. मीच त्याला मेसेज आणि कॉल करायला सुरुवात केली होती. मीच त्याला भेटायला बोलवायची, कारण तो खूप लाजाळू होता", असं करीना म्हणाली होती.
करीनाच्या प्रयत्नांनंतर हळूहळू शाहिद तिच्याशी बोलू लागला होता. रिलेशनशिपसाठी पहिलं पाऊल करीनानेच उचललं होतं. हे दोघं जवळपास तीन वर्षे रिलेशनशिपमध्ये होते. 2004 मध्ये ‘फिदा’ या चित्रपटाच्या सेटवर करीना शाहिदला पहिल्यांदा भेटली होती.
पहिल्याच भेटीत करीनाला शाहिद आवडला होता. मात्र या दोघांचं नातं फार काळ टिकलं नाही. शाहिदने 2015 मध्ये मीरा राजपूतशी लग्न केलं. मीरा ही शाहिदपेक्षा 13 वर्षांनी लहान आहे.
करीनाने अभिनेता सैफ अली खानसोबत लग्न केलं. या दोघांनाही दोन मुलं आहेत. शाहिद आणि मीराचं अरेंज मॅरेज होतं. तर सैफ आणि करीनाने लव्ह – मॅरेज केलं.