Kashi Vishwanath Corridor:डमरूच्या निनादात काशी विश्वानाथ धामच्या पहिल्या टप्प्याच्या लोकार्पणाचा शाही सोहळा, पाहा फोटो
आज पंतप्रधान नरेंद्र मोदी यांनी वाराणासीतील काशी येथे कालभैरव मंदिरात जाऊन आरती केली. या मंदिरात मोदी जवळपास 20 मिनिटे होते.
आज पंतप्रधान नरेंद्र मोदी यांनी वाराणासीतील काशी येथे कालभैरव मंदिरात जाऊन आरती केली. या मंदिरात मोदी जवळपास 20 मिनिटे होते. या पूजेच्या कार्यक्रमानंतर मोदींच्या हस्ते काशी विश्वानाथ धामचं लोकार्पण करण्यात येणार आहे.
पंतप्रधान नरेंद्र मोदी यांनी कालभैरव मंदिरात पूजा केल्यानंतर गंगा नदीत डुबकी घेत गंगा स्नान केलं. यावेळी मोदींनी पुष्ण आणि जल अर्पण करत मनोभावे सूर्य देवाची पूजा केली. तसेच पवित्र गंगेतील जल सोबतही घेतलं.
यावेळी पंतप्रधान 339 कोटी खर्च करून तयार करण्यात आलेल्या काशी विश्वानाथ धामच्या पहिल्या टप्प्याचं लोकार्पण करणार आहेत. याप्रसंगी 151 डमरू वादक डमरू वाजवून मोदींचं भव्य स्वागत करणार आहेत. त्या कार्यक्रमानंतर पीएम मोदी हे बरेका गेस्ट हाऊसला जाणार आहेत.
पंतप्रधान नरेंद्र मोदी दोन दिवसाच्या वाराणासी दौऱ्यावर आले आहेत. वाराणासी एअरपोर्टवर येताच मुख्यमंत्री योगी आदित्यनाथ आणि राज्यपाल आनंदिबेन पटेल यांनी त्यांचं स्वागत केलं.
देशविदेशातील भाविकांची सोय व्हावी आणि पर्यटनाचं आकर्षणाचं केंद्र बनावं म्हणून काशी विश्वनाथ धामचा जीर्णोद्धार करण्यात आला आहे. मोदींच्या हस्ते लोकार्पण सोहळा पार पडत असल्याने या परिसरात मोठा बंदोबस्त ठेवण्यात आला आहे.
काशी विश्वनाथ धाम आपल्या परंपरा, आध्यात्मिकता आणि सनातन संस्कृतीचं प्रतिक आहे. काशी में एक ही सरकार है, जिनके हाथों में डमरू है... असे भाष्य नरेंद्र मोदी यांनी यावेळी केले.
