वजन कमी करण्यासाठी फायदेशीर ठरते Dark Chocolate?
चॉकलेट केवळ लहान मुलांनाच नव्हे तर मोठ्यांनाही खूप आवडतं. जेव्हा जेव्हा मूड खराब असतो, तेव्हा चॉकलेटची सर्वात आधी आठवण येते. मात्र, ज्यांना वजन कमी करायचे असते अशा लोकांना गोड पदार्थ, मिठाईपासून लांब राहण्यास सांगितले जाते. अशा परिस्थितीत चॉकलेटचे सेवन किती करावे, असा प्रश्न निर्माण होतो.
डार्क चॉकलेटमध्ये फ्लेवनॉल्स आढळतात. त्याशिवाय डार्क चॉकलेटमध्ये फायबर भरूपर प्रमाणात असते, ज्यामुळे लवकर भूक लागत नाही. त्यामुळे तुम्ही अती खाण्यापासून वाचता.
मात्र, डॉक्टरांच्या सांगण्यानुसार, वजन कमी करायचे असेल तर चॉकलेटचे जास्त सेवन करू नये. त्यामुळे वजन कमी करताना चॉकलेट कमी प्रमाणात खावे. तुम्ही दिवसभरात २० ते ३० ग्रॅम चॉकलेटचे सेवन करू शकता. रात्री चॉकलेट खाणं टाळावे.
डार्क चॉकलेटमध्ये भरपूर प्रमाणात अँटी-ऑक्सिडंट असतात जे हृदयरोगाचा धोका कमी करण्यास मदत करतात. याशिवाय डार्क चॉकलेटमध्ये मॅग्नेशिअम, मॅंगनीज, कॉपर, झिंक आणि आयर्न हेही भरपूर प्रमाणात असतात.
ज्या चॉकलेटमध्ये कोको किमान 70 टक्के प्रमाणात आढळते, तेच डार्क चॉकलेट आरोग्यासाठी चांगलं असतं. ज्या लोकांना हाय ब्लड प्रेशरचा त्रास आहे, त्यांनी डार्क चॉकलेटचे सेवन करावे. यामध्ये असलेले फ्लेव्होनॉइड हे रक्तदाब कमी करण्यास मदत करते.