Skin Care : त्वचेच्या सर्व समस्या दूर करण्यासाठी ‘हे’ 4 फेसपॅक चेहऱ्याला लावा, वाचा!
चेहरा सुंदर दिसण्यासाठी नेहमीच बाजारातील महागडे उत्पादने वापरून फायदा होत नाही. सुंदर आणि तजेलदार त्वचा मिळवण्यासाठी आपण काही घरगुती उपाय नेहमी केले पाहिजेत. ज्यामुळे आपली त्वचा सुंदर दिसण्यास मदत होते. सुंदर त्वचा मिळवण्यासाठी आपण गुलाब पाकळ्या आणि मधाचा फेसपॅक आपल्या चेहऱ्याला लावू शकता. यामुळे आपली त्वचा चमकदार होण्याबरोबरच मुलायम आणि गुलाबी देखील होते.
चेहरा सुंदर दिसण्यासाठी नेहमीच बाजारातील महागडे उत्पादने वापरून फायदा होत नाही. सुंदर आणि तजेलदार त्वचा मिळवण्यासाठी आपण काही घरगुती उपाय नेहमी केले पाहिजेत. ज्यामुळे आपली त्वचा सुंदर दिसण्यास मदत होते.
सुंदर त्वचा मिळवण्यासाठी आपण गुलाब पाकळ्या आणि मधाचा फेसपॅक आपल्या चेहऱ्याला लावू शकता. यामुळे आपली त्वचा चमकदार होण्याबरोबरच मुलायम आणि गुलाबी देखील होते. गुलाब पाकळ्यांची पेस्ट आणि मध मिक्स करून चेहऱ्याला लावा.
मसूरची डाळ रात्री पाण्यात भिजवा आणि सकाळी त्याची पेस्ट तयार करा. त्या पेस्टमध्ये बेसन पीठ आणि मध मिक्स करा आणि संपूर्ण चेहऱ्याला लावा. यामुळे चेहऱ्यावरील काळपटपणा दूर होण्यास मदत होते. मात्र, ही पेस्ट तयार केल्यानंतर जास्त वेळ ठेऊ नका. लगेचच चेहऱ्याला लावा.
दोन चमचे दही, एक चमचा बेसन पीठ, एक चिमूटभर हळद आणि एक चमचा टोमॅटोचा रस एकत्र घाला आणि 15 मिनिटांसाठी चेहऱ्यावर लावा आणि चेहरा थंड पाण्याने धुवा. ही पेस्ट लावल्याने आपल्या चेहऱ्यावरील टॅन निघून जाण्यास मदत होते.
चेहऱ्यावरील मुरूमाची समस्या दूर करण्यासाठी आपण बेसन पीठामध्ये हळद मिक्स करून पेस्ट तयार करा आणि संपूर्ण चेहऱ्याला लावा. यामुळे चेहऱ्यावरील मुरूमाची समस्या दूर होण्यास मदत होईल.
