रोज सकाळी नियमित करा हरभाऱ्यांचे सेवन; ‘या’ आजारांवर आहेत रामबाण इलाज
हरभाऱ्यामध्ये क्लोरोफिल, जीवनसत्त्वे अ, ब, क, ड आणि के असतात. त्यात फॉस्फरस, पोटॅशियम, मॅग्नेशियम देखील मोठ्याप्रमामात असते. गावरान हरभारे रात्री भीजत घालून रोज सकाळी नियमित खाल्यास तुम्ही अनेक प्रकारच्या आजारांपासून दूर राहाता. आज आपण हरभारे खाण्याचे फायदे जाणून घेणार आहोत.
गावरान हरभारे तुमच्या शरीरातील साखरेची पातळी नियंत्रित करतात. त्यामुळेच रोज सकाळी रिकाम्या पोटी भिजलेले हरभारे खाण्याचा सल्ला डॉक्टरांकडून मधुमेहाच्या रुग्णांना देण्यात येतो.
हरभाऱ्यामध्ये प्रथिने आणि फायबरचे प्रमाण मुबलक असते. याचा अन्य एक फायदा म्हणजे यामध्ये कॅलरीजचे प्रमाण कमी असते. त्यामुळे तुम्ही रोज सकाळी हरभारे खाल्ल्यास तुमचे पोट भरलेले राहाते. तुम्हाला भूक लागत नाही, त्यामुळे तुमचे वजन कमी होण्यास मदत होते.
रोज सकाळी रिकाम्या पोटी हरभारे खाल्ल्याने तुमची पचनक्रिया सुधारते. बद्धकोष्ठतेचा त्रास होत नाही, तसेच पोटाशी संबंधित अनेक समस्यांपासून आराम मिळतो.
गावरान हरभारे हे डोळ्यांसाठी देखील उपयुक्त असतात. हरभाऱ्यांचे नियमित सेवन केल्यास डोळ्यांशी संबंधित समस्या कमी होतात. तसेच दृष्टी देखील वाढते. त्यामुळे डोळ्यांच्या चांगल्या आरोग्यासाठी हरभारे खाण्याचा सल्ला दिला जातो.
जर तुमच्या शरीरात रक्ताची कमतरता असेल किंवा तुम्हाला खूप थकवा जाणवत असेल किंवा अशक्तपणा वाटत असेल तर तुम्ही दररोज भिजवलेले हरभरे खावे. भिजवलेल्या हरभाऱ्यामध्ये मोठ्याप्रमाणात लोह असते. लोह वरील सर्व समस्या दूर करण्यास मदत करते. टीप वरील माहिती ही केवळ सामान्य ज्ञानासाठी देण्यात आली आहे. आपला डायट प्लॅन ठरवताना डॉक्टरांचा सल्ला घ्यावा.