मॉडेल आणि अभिनेत्री पोलमी दास ही बिग बॉस ओटीटी 3 मध्ये सहभागी झालीये. नुकताच पोलमी दास हिने तिच्या खासगी आयुष्याबद्दल अत्यंत मोठा खुलासा केलाय.
पोलमी दास ही इटेलियन बॉयफ्रेंड Alpaone याला डेट करत होती आणि दोन वर्षांपासून ते रिलेशनमध्ये होते. मात्र, त्यानंतर त्यांचे ब्रेकअप झाले. अभिनेत्रीने सांगितले की, तिच्यासाठी हे ब्रेकअप नक्कीच सोपे नव्हते.
यासर्व गोष्टींमधून बाहेर पडण्यासाठी तिला अनेक महिने लागले. आम्ही दोघे एकमेकांवर प्रेम करत होतो. हेच नाही तर आम्ही अनेक गोष्टी रिलेशनमध्ये असताना सहन केल्या आणि त्याचा सामना केला.
त्याची इच्छा होती की, मी सर्वकाही गोष्टी सोडून त्याच्याकडे जावे आणि त्याच्यासोबत लग्न करावे. हेच नाहीतर लग्नानंतर मी माझे काम सोडावे हे देखील त्याचे म्हणणे होते.
मी त्याला समजवण्यासाठी थेट इटलीला पण गेले. परंतू त्याच्या मागण्या वाढतच होत्या. मी तिथेच ठरवले की, आपण आता वेगळे व्हायला पाहिजे आणि ब्रेकअप केले. ब्रेकअपनंतर मी तणावात सतत खात होते आणि माझे वजन वाढले. आता मी फक्त माझ्या करिअरवर लक्ष देत आहे.