‘सातव्या मुलीची सातवी मुलगी’ मालिकेत मोठा ट्विस्ट; केदारचं सत्य सर्वांसमोर येणार?
अद्वैत, तेजस आणि फाल्गुनीला परत आणू आणेल का? काय असेल केदारचा नवीन प्लॅन? या प्रश्नांची उत्तरं या मालिकेच्या आगामी भागात मिळतील. 'सातव्या मुलीची सातवी मुलगी' ही मालिका दररोज रात्री 10.30 वाजता झी मराठी वाहिनीवर प्रेक्षकांच्या भेटीला येते.
झी मराठी वाहिनीवरील 'सातव्या मुलीची सातवी मुलगी' या मालिकेचं कथानक अत्यंत रंजक वळणावर आलं आहे. नेत्रा केदारच्या विरोधात उभी न राहता शेखरला पाठिंबा देते. यामुळे अद्वैत गोंधळला आहे.
केदार केतकीचं मन वळवून कुटुंबात फूट पाडण्याचा आणि वारंवार मैथिलीला इजा पोहोचवण्याचा प्रयत्न करतोय. पण नेत्रा आणि ईशा त्याचे हे प्रयत्न हाणून पाडतात.
केदार अद्वैत आणि शेखरमध्ये सुद्धा भांडण लावण्याचा प्रयत्न करतो. इकडे पण नेत्रा त्याचे डाव उधळून लावते. केदार ईशाचे अपहरण करण्याचा प्रयत्न करतो, पण चुकून रीमाला यात गोवतो. या सगळ्याचा दोष बंटी नेत्रावर ठेवतो, ज्यामुळे तिच्या आणि रीमामध्ये ताण वाढतो.
केतकी नेत्रावर मत्सर करण्याचा आरोप करते आणि अद्वैतला केदारला कंपनीचा सीईओ बनवण्यास प्रवृत्त करते. नेत्रा केदारला इशारा देते, पण केदार तिच्या बोलण्याकडे दुर्लक्ष करतो.
नेत्राला केदारच्या खोट्या लंगडण्याचा पर्दाफाश करण्यासाठी ईशाची मदत त्याला पळायला भाग पाडते. ज्यामुळे केदारचं खोटं सगळ्यांसमोर येतं. अखेर अद्वैत आणि इंद्राणीला नेत्राच म्हणणं पटत.
आता कंपनी केदारच्या ताब्यात असल्यामुळे अद्वैतला आपली जागा परत मिळवण्यासाठी त्यांच्याकडे एकच पर्याय आहे ते म्हणजे तेजस आणि फाल्गुनीला परत आणणं.