क्रिकेट टुर्नामेंटनंतर शिवा-आशुच्या मैत्रीचं प्रेमात होणार रुपांतर? मालिकेत रंजक ट्विस्ट
झी मराठी वाहिनीवर नुकतीच प्रेक्षकांच्या भेटीला आलेली 'शिवा' ही मालिका चांगलीच गाजतेय. यातील शिवा आणि आशु या जोडीमधील केमिस्ट्री प्रेक्षकांना आवडू लागली आहे. या मालिकेच्या कथानकात रंजक ट्विस्ट पहायला मिळणार आहे.
झी मराठी वाहिनीवरील 'शिवा' मालिकेत खूप रंजक गोष्टी घडत आहे. ही मालिका प्रेक्षकांच्या पसंतीस उतरताना दिसत आहे. किर्तिला चंदन आणि दिव्याच्या प्रेमाबद्दल कळतं. ती प्रिया आणि सुहाससोबत मिळून दिव्याच भांडाफोड करायचा प्लॅन बनवते.
इकडे बिझनेसमध्ये लक्ष नसल्याने रामभाऊ आशुवर चिडतात आणि आशु घर सोडून बाहेर पडतो. शिवाच्या सांगण्यावरून आशुला पटतं की बाबांच्या माझ्याकडून काही अपेक्षा आहेत.
तो जाऊन क्लाएंटशी मीटिंग करतो आणि ती मिटिंग यशस्वी होते. सीताई शिवाच्या घरी कामानिमित्त गेली असता तिला घरातून बाहेर पडणारी शिवा दिसते. ती शिवाबद्दल विचारपूस करते, तेव्हा शिवा शेजारी राहते असं वंदना खोट बोलते.
सीताई दिव्याला शिवापासून दूर राहायचा सल्ला देते. इकडे वस्तीत होणार्‍या क्रिकेट टूर्नामेंटमध्ये शिवा, गँग, आशु आणि मांजा भाग घेतात. त्यातून मिळणाऱ्या रकमेतून वस्तीतील मुलांना शाळेचं साहित्य आणायचं ठरवतात. तिथे शिवा आणि आशुची मैत्री अजूनच घट्ट होते.
आता शिवा आणि आशुच्या या घट्ट मैत्रीचं रूपांतर प्रेमात होईल का, शिवा-आशुच्या नात्यात काय बदल घडेल, हे पाहणं औत्सुक्याचं ठरणार आहे. 'शिवा' ही मालिका दररोज रात्री 9 वाजता झी मराठी वाहिनीवर प्रेक्षकांच्या भेटीला येते.