‘ओsss..दारु कुठं मिळेल?’ घरी येऊन दारुचा पत्ता विचारायचे, महिलांनी तळीरामांचा अड्डाच उद्ध्वस्त केला!
फक्त दारुचा पत्ताच हे तळीराम विचारायेच, अशातला भाग नाही. तर घराशेजारीच कधी उलट्या, कधी लघुशंका, तर अनेकदा घाणेरडं संभाषण सुरु असायचं. या सगळ्याला सोलापुरातील महिला त्रस्त झाल्या होत्या.
सोलापुरात महिलांना दारुचं दुकानं फोडलंय. देशी दारुच्या दुकानामुळे त्रस्त झालेल्या महिलांनी अखेर नाविलाज झाल्यानं दुकान फोडल्याचं म्हटलंय. यावेळी इतर महिलांसोबतच वृद्ध महिलांही हातोडा आणि भिंत तोडण्याचं सामान घेऊन देशी दारुच्या दुकानावर धडकल्या होत्या.
देशी दारुच्या दुकानाचा पत्ता विचारत लोकं घरी यायचे, महिला, मुली काहीही न बघता, नको त्या भाषेत बोलायचे. दारुच्या दुकानाचा पत्ता विचारणाऱ्या या तळीरामांना सोलापुरातील महिलांनी अद्दल घडवली आहे. त्यांचं दारुचं दुकानंच या महिलांना फोडलं.
फक्त दारुचा पत्ताच हे तळीराम विचारायेच, अशातला भाग नाही. तर घराशेजारीच कधी उलट्या, कधी लघुशंका, तर अनेकदा घाणेरडं संभाषण सुरु असायचं. या सगळ्याला सोलापुरातील महिला त्रस्त झाल्या होत्या.
याबाबत महिलांना पोलिसांकडेही तक्रार केली होती. पोलिस आयुक्तांनी या सगळ्या तक्रारीवर काहीच कारवाई न केल्यानं अखेर दारुचं दुकान फोडण्याशिवाय दुसरा कोणताच पर्याय राहिला नसल्याचं महिलांनी म्हटलंय.
महिलांच्या जमावानं हातोडीच्या साहाय्यानं दारुच्या दुकानाची भिंत फोडली आहे. संतप्त महिलांची केविलवाणी हाक पोलिस आतातरी ऐकणार का, असा प्रश्न उपस्थित केला जातो आहे. सोलापुरातल्या एसटी स्टॅड जवळील मोटे वस्तीत हा सगळा प्रकार घडलाय.
