PHOTO: नीरज चोप्रा झळकला THE MAN मासिकात, फोटो पाहून प्रश्न पडेल, ‘हा खेळाडू की टॉप मॉडेल?’
टोक्यो ऑलिम्पिकमध्ये भारताला भालाफेक खेळात सुवर्णपदक मिळवून दिल्यानंतर नीरज चोप्रा कोणत्या न कोणत्या कारणामुळे चर्चेत असतो. आता तो THE MAN या मासिकांत झळकला आहे.
भारताला टोक्यो ऑलिम्पिकमध्ये (Tokyo Olympics) सुवर्णपदक मिळवून देत भालाफेकपटू नीरज चोप्राने (Neeraj Chopra) इतिहास रचला होता. आता या गोष्टीला घडून जवळपास दोन महिने लोटले. पण अजूनही नीरजची हवा कमी झालेली नाही. त्यात नीरजही आजकाल अनेक ब्रँड्सचे प्रमोशन करुन सोशल मीडियावरही अॅक्टिव होऊ लागल्याने त्याच्या चाहत्यांमध्ये दिवसेंदिवस वाढ होत आहे.(फोटो सौैजन्य- नीरज चोप्रा इन्स्टाग्राम)
नुकतचं THE MAN या प्रसिद्ध मासिकात नीरज झळकला आहे. या मासिकांत त्याचे धांसू फोटो असून एखाद्या मॉडेलपेक्षाही नीरज यात भारी वाटत आहे. नीरजने हे फोटो त्याच्या इन्स्टाग्रामलाही पोस्ट केले आहेत. (फोटो सौैजन्य- नीरज चोप्रा इन्स्टाग्राम)
यावेळी नीरजने एका प्रसिद्ध इलेक्ट्रिक कारसोबत फोटोशूट केलं असून तो या कारमध्ये बसून तसेच शेजाकरी उभा राहून फोटो काढताना दिसत आहे. (फोटो सौैजन्य- नीरज चोप्रा इन्स्टाग्राम)
नीरज चोप्रा यावेळी वेस्टर्न कपड्यात दिसत असून तो सूटमध्ये दिसत आहे. यावेळी काही फोटोत त्याने सूटमध्ये टी-शर्ट तर कधी शर्ट घातलं आहे.(फोटो सौैजन्य- नीरज चोप्रा इन्स्टाग्राम)
नीरज काही दिवसांपूर्वी CRED कंपनीच्या एका जाहिरातीत अप्रतिम अभिनय करुन सर्वांची मनं जिंकलेला नीरज कोन बनेगा करोडपती (KBC13) शोमध्येही झळकला होता. त्यानंतर तो डान्स रिअॅलिटी शो डान्स+6 (Dance+ 6) मध्ये देखील झळकला असून त्याचे अनेक मजेशीर व्हिडीओ व्हायरल झाले होते.(फोटो सौैजन्य- नीरज चोप्रा इन्स्टाग्राम)