RCB vs SRH IPL 2023 : रनमशीन विराट कोहली याला हैदराबाद विरुद्धच्या आरपारच्या सामन्याआधी सतावतेय मोठी भीती
IPL 2023 : आतापर्यंत कोहलीने हैदराबादविरुद्ध एकूण 20 सामने खेळले आहेत. या सामन्यात 136.8 च्या स्ट्राइक रेटने 31.6 च्या सरासरीने 569 धावा केल्या आहेत.
- आयपीएलमध्ये रॉयल चॅलेंजर्स बंगळुरू आणि सनरायझर्स हैदराबाद यांच्यात महत्त्वाचा सामना रंगणार आहे. राजीव गांधी आंतरराष्ट्रीय स्टेडियम, हैदराबाद येथे सामना आहे. हा सामना आरसीबीसाठी प्लेऑफमधील सर्वात महत्त्वाचा सामना आहे.
- या सामन्यात कर्णधार विराट कोहलीच्या फलंदाजीकडे सर्वांचे लक्ष लागले आहे. कोहलीच्या सर्व चाहत्यांना त्याच्याकडून शानदार खेळीची अपेक्षा आहे. पण सनरायझर्स हैदराबादविरुद्ध कोहलीचा रेकॉर्ड पाहता चाहत्यांना चिंता लागली आहे.
- हैदराबादविरुद्धच्या शेवटच्या दोन डावात कोहली गोल्डन डकवर बाद झाला. कोहलीने हैदराबादविरुद्ध एकूण 20 सामने खेळले असून, त्याने 136.8 च्या स्ट्राइक रेटने आणि 31.6 च्या सरासरीने 569 धावा केल्या आहेत. यामध्ये 4 अर्धशतकांचा समावेश आहे. कोहलीची हैदराबादविरुद्धची सर्वोच्च धावसंख्या नाबाद 93 आहे.
- हैदराबादविरुद्ध खेळल्या गेलेल्या 20 सामन्यात कोहली तीन वेळा खाते न उघडता शून्यावर पॅव्हेलियनमध्ये परतला. त्यामुळे आजच्या महत्त्वाच्या सामन्यात कोहली बॅट तळपली नाही तर आरसीबीला मोठा झटका बसणार आहे.
- प्ले ऑफसाठी पात्र होण्यासाठी आरसीबीला त्यांचे शेवटचे दोन सामने जिंकणे आवश्यक आहे. हैदराबादनंतर आरसीबीचा सामना गतविजेत्या गुजरात टायटन्सशी होणार आहे.
