Happy Birthday Rafael Nadal : क्ले कोर्टचा अनभिषिक्त सम्राट, राफेल नदाल जिंकलेली प्रत्येक ट्रॉफी का चावतो?
स्पेनेचा टेनिसपटू आणि वर्ल्ड चॅम्पियन राफेल नदालचा आज वाढदिवस आहे. सध्या तो पॅरीसमध्ये फ्रेंच ओपन स्पर्धा खेळत आहे.
टेनिस म्हटलं की रॉजर फेडररसोबत आणखी एक नाव डोक्यात येतं, ते म्हणजे स्पेनचा टेनिसपटू 'राफेल नदाल' (Rafael Nadal). राफेलने अनेक टेनिस स्पर्धा जिंकत जगभर नावलौकीक मिळवला आहे. (Tennis World Champion Rafael Nadal Birthday Nadal turns 35 today)
राफेलने थोडे-थोडके नाही तर 20 ग्रँड स्लॅम (Grand Slam) पटकावले आहेत. . जगातील सर्वाधिक ग्रँड स्लॅम मिळवलेल्या रॉजर फेडररपेक्षा (Roger Federer) तो केवळएका ग्रँड स्लॅमने मागे आहे.
राफेलने 20 पैकी 13 ग्रँडस्लॅम हे फ्रेंच ओपनमध्येच (French Open) मिळवले आहेत. तो सध्या देखील पॅरीसमध्ये फ्रेंच ओपनच खेळत आहे
राफेल आपल्या अप्रतिम खेळासह काही अंधश्रद्धा मानण्यासाठीही ओळखला जातो. राफेल प्रत्येक ट्रॉफी जिंकल्यानंतर ट्रॉफीला चावण्याचा प्रयत्न करतो. तसंच प्रत्येकवेळी सामन्यादरम्यान पाण्याची बॉटलहीतो उजव्या बाजूलाच ठेवतो आणि कोणालाही तिची जागा बदलू देत नाही.
राफेलने एका मुलाखतीदरम्यान आपल्या निवृत्तीबद्दल सांगितले होते. तो म्हणाला, ''मी याआधी अनेकदा सांगितलं आहे की, मला सर्वांत भारी टेनिसपटू म्हणूनच निवृत्ती घ्यायची आहे. इतिहासात सर्वाधिक ग्रँड स्लॅम मिळवूनच मला निवृत्ती घ्यायची आहे.''