IND vs ENG | यशस्वीला दिग्गज गावसकर यांचा रेकॉर्ड ब्रेक करण्याची संधी
Yashasvi Jaiswal | टीम इंडिया विरुद्ध इंग्लंड यांच्यातील कसोटी मालिकेतील पाचवा आणि अखेरचा सामना हा 7 मार्चपासून धर्मशालेत खेळवण्या येणार आहेत. टीम इंडिया या मालिकेत 3-1 ने आघाडीवर आहे. या मालिकेत टीम इंडियाचा ओपनर यशस्वी जयस्वाल याने आतापर्यंत अफलातून कामगिरी केली आहे. यशस्वीला या अखेरच्या सामन्यात मोठा विक्रम करण्याची संधी आहे.
यशस्वीने इंग्लंड विरुद्धच्या कसोटी मालिकेत आतापर्यंत 2 द्विशतकं झळकावली आहेत. यशस्वीने विशाखापट्टणममध्ये 209 आणि राजकोटमध्ये 214* धावा केल्या. यशस्वीच्या नावावर या मालिकेत आतापर्यंत एकूण 655 धावा आहेत. यशस्वीला आता 700 धावा करण्याची संधी आहे.
यशस्वीने या मालिकेत आतापर्यंत 23 सिक्स खेचले आहेत. यशस्वीने आणखी 3 सिक्स लगावल्यास तो इंग्लंड विरुद्ध कसोटी मालिकेत सर्वाधिक सिक्स लगावणारा दुसरा फलंदाज ठरेल. टीम साऊथी आणि विवियन रिचड्स या दोघांनी इंग्लंड विरुद्ध कसोटी मालिकेत 25 आणि 34 सिक्स लगावले आहेत.
यशस्वीच्या नावावर या मालिकेतील 4 सामन्यात 655 धावा आहेत. यशस्वी आणखी 45 धावा करताच इंग्लंड विरुद्ध एका मालिकेत 700 धावा करणारा तो पहिला भारतीय ठरेल.
यशस्वीला लिटील मास्टर सुनील गावसकर यांचा महारेकॉर्ड मोडीत काढण्याची संधी आहे. यशस्वीला एका कसोटी मालिकेत टीम इंडियासाठी सर्वाधिक धावांचा विक्रम ब्रेक करण्याची संधी आहे. गावसकर यांनी विंडिज विरुद्ध 1970-71 मध्ये 774 धावा केल्या होत्या. यशस्वीला आता या विक्रमासाठी 120 धावांची गरज आहे.
यशस्वीने आतापर्यंत एकूण 8 कसोटी सामने खेळले आहेत. यशस्वीने आतापर्यंत 69.36 च्या सरासरीने 971 धावा केल्या आहेत. यशस्वीने या दरम्यान 2 द्विशतकं, 3 शतकं आणि 3 अर्धशतकं झळकावली आहेत. यशस्वीला कसोटी कारकीर्दीत 1 हजार धावांच्या टप्प्यासाठी आणखी 29 रन्सची गरज आहे.
