Thar ला टक्कर देणारी ही गाडी नव्या अवतारात लॉन्च, सर्वात आधी कोणाला विकत घेता येणार?
Suzuki Jimny Heritage SUV : सुजुकी जिम्नीच हेरिटेज एडिशन मेड-इन-इंडिया मॉडल आहे. ही एडिशन जिम्नीच्या 1970-90 पर्यंतच्या 4x4 वारशाला कायम ठेवण्यासाठी सादर करण्यात आली आहे. याआधी कंपनीने 3 डोर वेरिएंट सुद्धा हेरिटेज एडिशनमध्ये लॉन्च केलं होतं. 5 डोर जिम्नी हेरिटेजच्या खास फीचर्सबद्दल इथे वाचा.
महिंद्रा थारला टक्कर देणारी जिम्नी नव्या अवतारात लॉन्च झाली आहे. सुजुकीने याच हेरिटेज एडिशन सादर केलय. हे एक लिमिटेड एडिशन आहे. ज्याच्या फक्त 500 यूनिट्सची विक्री होणार आहे. (Suzuki)
5 डोर जिम्नी हेरिटेजच्या बॉडीवर Heritage लोगोसह स्पेशल डीकल्स मिळतील. त्याशिवाय यूनीक कार्गो ट्रे आणि लाल मड फ्लॅप देण्यात आले आहेत. जिम्नी हेरिटेज व्हाइट, शिफॉन आयवरीसह ब्लूश ब्लॅक पर्ल रूफ, जंगल ग्रीन, ब्लूश ब्लॅक पर्ल आणि ग्रेनाइट ग्रे मेटालिक कलर ऑप्शनमध्ये येते.
जिम्नी हेरिटेजमध्ये 1.5 लीटर, फोर सिलेंडर पेट्रोल इंजिनची पावर मिळते. हे स्पेशल एडिशन केवळ 5 स्पीड मॅनुअल ट्रांसमिशन सोबत येतं. जिम्नीच्या सामान्य मॉडल्समध्ये ऑटोमॅटिक ट्रांसमिशन सुद्धा मिळतं. जिम्नी हेरिटेज मॉडल एक मेड-इन-इंडिया कार आहे.
यात 9 इंच टचस्क्रीन इंफोटेनमेंट सिस्टम मिळते. त्याशिवाय एपल कारप्ले आणि एंड्रॉयड ऑटो, हिल-होल्ड कंट्रोल, हिल-डिसेंट कंट्रोल, ऑटो क्लायमेट कंट्रोल, 6 एअरबॅग, LED हेडलाइट सारखे फीचर्स सुद्धा देण्यात आले आहेत. या मॉडलमध्ये ऑटोनॉमस इमरजेंसी ब्रेकिंगसह (AEB) ADAS सुद्धा मिळतं. (Suzuki)
जिम्नी हेरिटेज एडिशन सर्वात आधी ऑस्ट्रेलियन्स विकत घेऊ शकतात. ऑस्ट्रेलियात ही कार जवळपास ₹20.43 लाखात लॉन्च झालीय. सध्या भारतात जिम्नी हेरिटेज लॉन्चची ऑफिशियल माहिती नाहीय. भारतात जिम्नीची एक्स-शोरूम किंमत ₹12.74 लाख रुपये आहे. ही SUV ₹1.5 लाख रुपयपर्यंतच्या डिस्काऊंटमध्ये विकली जातेय. (Suzuki)
