पुणे, नाशिक महामार्गावर तीन वाहनांचा भीषण अपघात, वाहनांच्या मोठ्या रांगा
पुणे, मुंबई आणि पुणे नाशिक महामार्गावरील वाहतूक गुरुवारी ठप्प झाली. दोन्ही ठिकाणी वाहतूक ठप्प होण्याची कारणे वेगवेगळी होती. परंतु घराबाहेर पडणाऱ्यांची यामुळे चांगलीच अडचण झाली आहे.
पुणे, नाशिक महामार्गावर चांडोलीजवळ तीन मालवाहू वाहनांचा भीषण अपघात झाला. या अपघातानंतर महामार्गावर मोठी वाहतूक कोंडी झाली आहे.
अपघातात दूध वाहतूक करणाऱ्या टेम्पोमधील दोन्ही वाहन चालक गंभीर जखमी झाले आहे. नागरिकांनी या दोन्ही वाहन चालकांना तातडीने रुग्णालयात दाखल केले आहे.
पुणे शहराकडून नाशिक शहराकडे जाताना चार ते पाच किलोमीटरपर्यंत वाहनांच्या रांगा लागल्या आहेत. वाहतूक सुरळीत करण्यासाठी खेड पोलीस घटनास्थळी दाखल झाले आहे.
पोलिसांनी वाहतूक सुरळीत करण्यासाठी अपघातग्रस्त वाहने रस्त्याच्या बाजूला काढण्याचे काम सुरु केले आहे. तसेच दोन्ही बाजूने वाहतूक सुरळीत सुरु करण्याचे काम सुरु केले आहे.
पुणे-मुंबई महामार्गावर दुपारी १२ ते २ आज मेगा ब्लॉग घेण्यात येणार आहे. मुंबईवरुन गुजरातला जाणाऱ्या महामार्गावरील वाहतूक ठप्प झाली आहे. यामुळे आज घराबाहेर पडणाऱ्या वाहनधारकांची चांगलीच अडचण होणार आहे.