सलमान खान मुंबई सोडणार?; ‘या’ ठिकाणी होणार शिफ्ट
बाॅलिवूड अभिनेता सलमान खान याच्या घरावर झालेल्या गोळीबारानंतर सर्वजणच हैराण झाले. हेच नाही तर ज्यावेळी हा गोळीबार झाला, त्यावेळी सलमान खान हा घरातच होता. पोलिसांनी गुजरातमधून हल्लेखोरांना ताब्यात घेतले. या प्रकरणात अजून काही मोठे खुलासे होण्याची शक्यता देखील आहे.
14 एप्रिलला पहाटे एक हैराण करणारी घटना घडली. या घटनेनंतर सर्वांनाच मोठा धक्का बसला. सलमान खान याच्या गॅलेक्सी अपार्टमेंट बाहेर गोळीबार करण्यात आला. हल्लेखोरांच्या निशाण्यावर सलमान खानच्या घराची बाल्कनी होती.
हेच नाही तर ज्यावेळी हा गोळीबार झाला, त्यावेळी सलमान खान हा घरातच होता. या गोळीबारानंतर अवघ्या काही तासांमध्येच पोलिसांनी हल्लेखोरांना पकडले.
गॅलेक्सी अपार्टमेंट बाहेर झालेल्या गोळीबारानंतर मोठी खळबळ बघायला मिळाली. आता नुकताच आलेल्या रिपोर्टनुसार सलमान खान हा पनवेलच्या फार्म हाऊसवर शिफ्ट होणार आहे.
सलमान खान हा जास्तीत जास्त वेळ पनवेलच्या फार्म हाऊसवर घालवतो आणि त्याला तिथे राहण्यासाठी अधिक आवडते. गॅलेक्सी अपार्टमेंटपेक्षा अधिक सुरक्षा पनवेलच्या फार्म हाऊसवर असल्याचे सांगितले जाते.
यावर सलमान खान याने काही भाष्य केले नसून सलमानचे कुटुंबिय पनवेलच्या फार्म हाऊसवर शिफ्ट होण्याचा विचार करत असल्याचे रिपोर्टमध्ये सांगण्यात आलंय. तो लवकरच फार्म हाऊसवर होऊ शकतो.
