कपूर घराण्यात वाजणार सनई चौघडे; होणाऱ्या वहिनीला करीना म्हणाली ‘मेहंदी लगा के रखना..’
कपूर घराण्यात लवकरच सनई चौघडे वाजणार आहेत. राज कपूर यांचा नातू आदर जैन विवाहबंधनात अडकणार असून नुकतंच त्याने गर्लफ्रेंडला प्रपोज केलं आहे. या फोटोंवर अभिनेत्री करीना कपूरने तिच्या होणाऱ्या वहिनीसाठी खास संदेश लिहिला आहे.
कपूर घराण्यात लवकरच सनई चौघडे वाजणार आहेत. राज कपूर यांचा नातू आणि रणबीर, करीना, करिश्मा यांचा चुलत भाऊ आदर जैन लवकरच लग्नबंधनात अडकणार आहे. नुकतंच त्याने गर्लफ्रेंड आलेखा अडवाणीला लग्नासाठी प्रपोज केलंय.
आलेखा आणि आदर हे गेल्या काही वर्षांपासून एकमेकांना डेट करत आहेत. त्याआधी आदर हा अभिनेत्री तारा सुतारियाला डेट करत होता. ताराशी ब्रेकअप केल्यानंतर तिच्याच मैत्रिणीला आदरने प्रपोज केलंय.
आदर जैनने आलेखाला प्रपोज करतानाचे फोटो पोस्ट करताच त्यावर करीना आणि करिश्मा कपूर बहिणींनी कमेंट्स केल्या आहेत. 'मेहंदी लगा के रखना.. डोली सजा के रखना', अशी कमेंट करीना कपूरने केली आहे. करिश्मानेही दोघांना शुभेच्छा दिल्या आहेत.
आलेखा ही तारा आणि आदर या दोघांची खास मैत्रीण होती. एका जुन्या फोटोमध्ये तिने आदर आणि ताराच्या नात्यात 'थर्ड व्हिल' (तिसरी चाक) असल्याचं म्हटलं होतं. तर आदरने प्रपोजलच्या पोस्टमध्ये आलेखाला त्याची 'फर्स्ट क्रश' असं म्हटलंय.
आदर जैन हा राज कपूर यांची मुलगी रिमा जैन यांचा मुलगा आहे. रणबीर कपूर, करीना आणि करिश्मा कपूर यांचा तो चुलत भाऊ आहे. यशराज फिल्म्सच्या बॅनरअंतर्गत तो बॉलिवूडमध्ये पदार्पण करणार असल्याची जोरदार चर्चा होती.