प्रायव्हेट व्हिडीओ लीकप्रकरणी चर्चेत आलेली ज्योती राय आहे तरी कोण? काही दिवसांपूर्वी मिळालेली धमकी
ज्योतीचं खासगी आयुष्यही चर्चेत आहे. ती दिग्दर्शक सुकू पूर्वजला डेट करत असून या वर्षाच्या सुरुवातीलाच दोघांनी त्यांच्या नात्याची घोषणा केली होती. या दोघांनी साखरपुडा केला आहे. सुकू आणि ज्योती लवकरच लग्नबंधनात अडकणार आहेत
गेल्या काही दिवसांपासून सोशल मीडियावर ज्योरी राय हे नाव चर्चेत आहे. कन्नड चित्रपटसृष्टीतील या लोकप्रिय अभिनेत्रीचे खासगी व्हिडीओ लीक झाले आहेत. याविरोधात तिच्या चाहत्यांनी तीव्र संताप व्यक्त केला आहे. प्रायव्हेट व्हिडीओ लीकप्रकरणी चर्चेत असणारी ज्योती राय नेमकी आहे तरी कोण, ते जाणून घेऊयात..
ज्योती राय ही कन्नड टीव्ही इंडस्ट्रीतील लोकप्रिय अभिनेत्री आहे. तिने वीसपेक्षा अधिक मालिकांमध्ये महत्त्वपूर्ण भूमिका साकारल्या आहेत. सध्या ती 'गुप्पेदंता मनसू' या मालिकेत काम करतेय. सोशल मीडियावर व्हायरल झालेल्या व्हिडीओमध्ये ज्योती राय असल्याचं म्हटलं जात आहे.
एका अनोळखी व्यक्तीने तिचे हे व्हिडीओ युट्यूबवर अपलोड करण्याची धमकी दिली आहे. याबाबत ज्योतीच्या चाहत्यांनी प्रचंड संताप व्यक्त केला आहे. आरोपींविरोधात कारवाई करण्याची मागणी चाहत्यांनी केली आहे. ज्योतीच्या चाहत्यांनी सोशल मीडियावर बेंगळुरू पोलिसांना टॅग करत लवकरात लवकर कारवाई करण्याची मागणी केली आहे.
ज्योतीने तिच्या करिअरची सुरुवात चित्रपटांपासून केली. मात्र काही चित्रपटांनंतर तिने टीव्ही इंडस्ट्रीत पाऊल ठेवलं. ज्योतीने तिच्या आतापर्यंतच्या करिअरमध्ये 20 पेक्षा जास्त मालिकांमध्ये काम केलंय. तिला तिची प्रसिद्ध भूमिका बंदे बारतवा कालासाठी ओळखलं जातं.
याशिवाय तिने ‘सीतारामा कल्याणा’, ‘गंधादा गुडी’, ’99’ आणि ‘दीया वर्णपतला’ यांसारख्या चित्रपटांमध्ये काम केलंय. सध्या ती ‘गुपेदंता मानुसू’ या टीव्ही शोमध्ये भूमिका साकारतेय. ज्योती सोशल मीडियावर खूप सक्रिय असून अनेकदा ती तिचे ग्लॅमरस फोटो आणि व्हिडीओ पोस्ट करत असते.
