Healthy fruits: चांगल्या आरोग्यासाठी वरदान ठरतात ही फळं
चांगल्या व निरोगी आयुष्यासाठी फळांचे सेवन करणे फायदेशीर ठरते. फळांमध्ये व्हिटॅमिन्स व मिनरल्स यांसारखी अनेक पोषक तत्वे मुबलक प्रमाणात असतात. फळांचे सेवन केल्याने आपला अनेक आजारांपासून बचाव तर होतोच त्याशिवाय फळे आपल्या त्वचेसाठीही फायदेशीर ठरतात. कोणकोणत्या फळांचा डाएटमध्ये आवर्जून समावेश केला पाहिजे, हे जाणून घेऊया.
डाळिंब - डाळिंबामध्ये व्हिटॅमिन सी भरपूर प्रमाणात असते. तसेच त्यामध्ये अँटी-ऑक्सिडेंट गुणधर्मही असतात. तसेच लोह, पोटॅशिअम आणि झिंकयासारखी पोषक तत्वेही असतात. डाळिंबाचे सेवन केल्याने शरीरात रक्ताची कमतरता निर्माण होत नाही.
पीच - पीच हे अतिशय हेल्दी आणि चविष्ट फळ आहे. त्यामध्ये व्हिटॅमिन सी आणि व्हिटॅमिन ए भरपूर प्रमाणात असते. पीचचे सेवन केल्याने रोगप्रतिकारक शक्ती वाढण्यास मदत होते. त्यामुळे थकवा आणि सुस्ती दूर होते.
प्लम - प्लममध्ये फायबर, व्हिटॅमिन आणि अँटी-ऑक्सीडेंट गुणधर्म असतात. तसेच ब्लम हे व्हिटॅमिन सी चा चांगला स्त्रोत आहे. हे अतिशय पौष्टिक फळ असून ते कोलेजनच्या उत्पादनात मदत करते. प्लमचे सेवन केल्याने आपली त्वचा निरोगी राहते.
पपई - पपईमध्ये अँटी-ऑक्सीडेंट गुणधर्म असतात. तुम्ही पपईचे सेवन सॅलॅड किंवा ज्यूसच्या स्वरूपातही करू शकता. पपई खाल्यामुळे आपली पचनसंस्था निरोगी राहण्यास मदत होते.
