Eknath Shinde Corona | एकनाथ शिंदेंना कोरोना, आदित्य ठाकरेंनी दिला ‘हा’ सल्ला
राज्याचे नगरविकास मंत्री एकनाथ शिंदे यांना कोरोनाची लागण झाली आहे. (Aaditya thackeray on Eknath Shinde Corona)
मुंबई : राज्याचे नगरविकास मंत्री एकनाथ शिंदे यांना कोरोनाची लागण झाली आहे. यानंतर त्यांना मंत्रिमंडळातील अनेक सहकाऱ्यांनी बरे होण्यासाठी शुभेच्छा दिल्या आहे. “आपण लवकर बरे होऊन महाराष्ट्राच्या सेवेत रुजू व्हाल,” असे ट्विट पर्यावरणमंत्री आदित्य ठाकरे यांनी केले आहे. तसेच “पूर्ण बरे होईपर्यंत आराम करा,” असा सल्लाही आदित्य ठाकरेंनी दिला आहे. (Aaditya thackeray on Eknath Shinde Corona)
“एकनाथ शिंदेंजी काळजी घ्या, गेले ६ महिने कोरोना विरुद्धचा लढा आपण देखील फ्रंटलाईन वरूनच लढत आहात. आपण लवकर बरे होऊन महाराष्ट्राच्या सेवेत रुजू व्हाल ही मला खात्री आहेच, पण पूर्ण बरे होईपर्यंत आराम करा!”असे ट्विट आदित्य ठाकरे यांनी केले आहे.
काळजी घ्या @mieknathshinde जी!
गेले ६ महिने कोरोना विरुद्धचा लढा आपण देखील फ्रंटलाईन वरूनच लढत आहात. आपण लवकर बरे होऊन महाराष्ट्राच्या सेवेत रुजू व्हाल ही मला खात्री आहेच, पण पूर्ण बरे होईपर्यंत आराम करा! https://t.co/1NEeSzsPh3
— Aaditya Thackeray (@AUThackeray) September 24, 2020
एकनाथ शिंदे यांनी स्वत: ट्विट करून त्यांना कोरोना झाल्याची माहिती दिली. “गेल्या काही दिवसांपासून कोरोनाची लक्षणं जाणवू लागल्याने काल त्यांनी कोरोनाची टेस्ट केली होती. त्याचा अहवाल पॉझिटिव्ह आला आहे. माझी प्रकृती ठिक आहे. काळजी करू नका. परंतु, माझ्या संपर्कात आलेल्यांनी स्वत:ची कोव्हिड चाचणी करून घ्यावी आणि खबरदारी घ्यावी,” असं आवाहन शिंदे यांनी केलं आहे.
काल मी माझी कोव्हीड-१९ ची तपासणी करून घेतली असता ती पॉझिटिव्ह आली आहे. आपल्या सगळ्यांच्या आशीर्वादाने प्रकृती ठीक आहे. गेल्या काही दिवसांत माझ्या संपर्कात आलेल्या सर्वांनी योग्य ती काळजी घ्यावी आणि स्वतःची कोव्हीड चाचणी करून आवश्यक ती खबरदारी घ्यावी, ही विनंती…
— Eknath Shinde – एकनाथ शिंदे (@mieknathshinde) September 24, 2020
आदित्य ठाकरेंशिवाय उद्योगमंत्री सुभाष देसाई, आमदार अजय चौधरी, आमदार विश्वजीत कदम आणि मुंबई महापालिकेच्या स्थायी समितीचे अध्यक्ष यशवंत जाधव यांनीही एकनाथ शिंदेना बरे होण्यासाठी शुभेच्छा दिल्या आहेत.
शिंदे साहेब लॉकडाऊन सुरु झाल्यापासून गेल्या सहा महिन्यांच्या काळात आपण अहोरात्र काम करीत आहात. आता थोडी विश्रांती आणि स्वतःची काळजी घ्या. आपण लवकरच पुन्हा जनसेवेत रुजू व्हाल, याची खात्री आहे!
— Yashwant Jadhav – यशवंत जाधव (@iYashwantJadhav) September 24, 2020
#COVID19 संसर्गाचा सामना करताना आपण खंबीरपणे लढा देत आहात. अत्यंत बिकट परिस्थितीत आपला कार्याचा झंझावात सुरूच आहे! आता मात्र काळजी घेणे आवश्यक आहे. भरपूर विश्रांती घ्या. योग्य त्या उपचारानंतर आपण लवकरच बरे व्हाल आणि पुन्हा जनसेवेत झोकून द्याल, याचा विश्वास वाटतो!
— Subhash Desai (@Subhash_Desai) September 24, 2020
“अत्यंत बिकट परिस्थितीत आपल्या कार्याचा झंझावात सुरूच आहे. आता मात्र काळजी घेणे आवश्यक आहे. भरपूर विश्रांती घ्या. योग्य उपचारानंतर आपण लवकर बरे व्हाल आणि पुन्हा जनसेवेत झोकून द्याल,” असा विश्वास उद्योगमंत्री सुभाष देसाई यांनी व्यक्त केला आहे.(Aaditya thackeray on Eknath Shinde Corona)
संबंधित बातम्या :
Eknath Shinde | पीपीई कि्टस घालून रुग्णालयांची पाहणी, एकनाथ शिंदेंना करोना